Login to your account

Username *
Password *
Remember Me

PR Lú-Olo Presta Omenajem Ikus ba Saudozu "Buka Tuir"

Prezidente Repúblika (PR) Francisco Guterres Lú-Olo ho Espoza Cidália Mouzinho presta omenajem ikus ba saudozu Buka Tuir iha saudozu nia rezidensia Kolmera, Dili. Kinta (22/10). Prezidente Repúblika (PR) Francisco Guterres Lú-Olo ho Espoza Cidália Mouzinho presta omenajem ikus ba saudozu Buka Tuir iha saudozu nia rezidensia Kolmera, Dili. Kinta (22/10). Foto Tempo Timor

Tempotimor (Dili)-Prezidente Repúblika (PR) Francisco Guterres Lú-Olo presta nia omenajem ikus ba saudozu João Francisco de Fátima "Buka Tuir" ne'ebé ohin madrugada tuku 05:00 (22/10) hakotu ona iss iha Ospitál Nasionál Guidu Valadares (ONGV).

Iha presta omenajem ikus ne'e, xefe estadu dehan, ohin loron triste boot, tanba Timor-Leste lakon tan ema di'ak ida no komandante di'ak ida iha komponente Navál nian.

"Ohin amk lakon familia ida, ita-nia komandante boot ida husi mariña nian, entaun ami mai hato'o sentidu pezamus ba familia ba familia sira hotu, forsa no ami hato'o katak momentu ne'e susar no todan boot ida ne'e ami mai partilla ho familia sira," dehan PR Lú-Olo iha rezidénsia matebian Buka Tuir nian iha Kolmera, Dili, Kinta (22/10).

Xefe estadu ne'e mós dehan, saudozu ema ne'ebé pasiénsia no nunka kontra nia komandante sira.

"Ema ida pasiénsia liu, nia nunka kontra nia komandante sira, atu siak oinsa mós nunka hatán, halo servisu nonok de'it husi ai-laran to'o vila laran," dehan PR.

Entretantu kona-ba fen no oan na'in haat ne'ebé hela, lei proteze sira no lei iha hodi tau matan.

Saudozu Kapitaun Fragata João Francisco de Fatima "Buka Tuir" moris iha suku Loi-Huno Postu Administrativu Ossu, Munisípiu Vikeke iha loron 10 de Outubro de 1969, oan husi António da Costa Guterres Fátima no Clementina da Costa.

Saudozu hakotu is iha ONGV ho idade 51, iha oras 05:00 madrugada tamba moras komplikadu. Saudozu husik hela fen kaben ho oan na'in haat, mane na'in rua no feto na'in rua.

Saudosu hahu inkorpora iha Instituisaun F-FDTL iha 02 de Fevereiru 2001 iha batallaun primeiru. Iha loron 21 Juñu 2001 saudozu promove ba Tenente. Iha tinan 2002 saudosu kolaka iha CICNL nu’udar Instrutór. Iha 16 Dezembru 2005 saudosu promove ba Primeiru Tenente. Iha 25 Juñu 2007, saudosu koloka iha komponente Naval nu’udar segundo Komandante Naval. Iha 07 Abril 2012 saudosu promove ba Capitun Tenente no iha 19 Novembru 2018 saudosu koloka nafatin iha Komponenete Navál nu’udar mós segundu komandante Navál.

Iha 13 Abril 2015 saudozu koloka fali iha Kuartel Jeneral sai hanesan Xefe Divisaun CENOP. Iha 02 Fevereiru 2020 promove ba Kapitaun Fragata, saudosu koloka nafatin iha Kuartel Jeneral nu’udar Xefe Divisaun J6. Durante nia servisu, saudozu komesa hetan moras ne'ebé ke afeta ba nia saúde. Ne'e duni halo saudozu fraku no konsege ba halo tratamentu iha Singapura, maibé meiu hirak ne'e la konsege hanaruk saudosu nia vida, to'o ohin saudozu hakotu nia iss.

Durante servisu saudozu fó nia-aan tomak iha Instituisaun F-FDTL durante tinan sanulu resin sia no atu tama ba tinan ruanulu. Iha dedikasaun tempu naruk ne'e saudozu la'ós halo servisu militar nian de'it, maibé partisipa mós iha treinamentu no kursu sira ne’ebé instituisaun haruka.

Entretantu saudozu nia mate isin sei haloot iha Metinaru, maibé molok haloot, saudozu nia mate isin sei lori ba rai moris fatin Loi-Huno hodi halo tuir kultura ne'ebá nian, hafoin lori fali mai no halo iha jardim ba eroi sira iha Metinaru.(*)

Rate this item
(0 votes)
Last modified on Thursday, 22 October 2020 17:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter