EE Dalima, Polisia Kaptura Ona Membru PSHT 290

Timoroan balun ne'ebe tama sai TL liu husi Fronteira ba sa'e sabuk iha Atambua hetan seguransa husi Corp Brimob Timoroan balun ne'ebe tama sai TL liu husi Fronteira ba sa'e sabuk iha Atambua hetan seguransa husi Corp Brimob Foto Suplai

Tempotimor (Dili)-Durante implementasaun Estadu Emerjensia dalima, Polisia Nasionál Timor-Leste (PNTL) kaptura ona membru husi organizasaun artemarsial Persaudaraan Setia Hati Terate (PSHT) ne’ebé ba hasa’e sintu iha Atambua, Indonezia hamutuk na’in 290.

Komadante Jerál PNTL, Komisariu Faustino da Costa informa, sidadaun ne'ebé tama no sai ilegal iha fronteira maioria membru organizasaun PSHT ne'ebé ba hasa'e sabuk iha Atambua.

"PNTL iha Esatudu Emerjensia kaer membru ne'ebé ba sa'e sabuk, liu-liu, ita la'os generaliza, maibé ida PSHT ne'e halo kapturasaun 290 pesoas maioria iha kuarentina,” dehan Faustino hafoin reuniaun ho Prezidente Republika Francisco Guterres Lú Olo iha palasiu prezidensial, Kinta (17/09).

Nia dehan, membru PSHT ne’ebé tama mai husi Atambua, balun la’os foin ba semana ida ka fulan ida, maibé balun iha ne’ebá ona durante fulan haat resin.

"Sira la'os foin ba fulan ida ka semana ida ou rua, maibé balun Fulan tolu ou hat antes tiha ona, sira ba la'os grupu, maibé pesoas idaidak la'o ninian, sa'e bus ba de'it, depois ba mak idaidak buka dalan, tanba sira kontatu iha sorin, maibé sira fila ho grupu ne'e mak ita kaptura," dehan nia.

Nia hatutan, membru PSHT sira ne’ebé tama mai, balun liu husi rai maran no seluk uza ro.

“Bainhira halo kapturasaun, halo investigasaun, sira rasik deklara katak, sira ba maioria tama husi fronteira terestre, maibé atu fila mai, komu terestre taka metin, entaun sura uza fali bero ki'ik tama husi tasi, tanba ne'e iha tasi halo kapturasaun.”

Atu reforsa seguransa iha fronteira, Komandante PNTL ne’e dehan, nia parte destaka tan kompaña operasaun hodi fó apoiu ba Batallaun Orden Públiku (BOP) no Unidade Patrollamentu Fronteira (UPF).

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter