Login to your account

Username *
Password *
Remember Me

PM Taur sei Kontatu Lider PSHT husu Hapara Movimentu Ilegal iha Fronteira

Membru PSHT ne'ebe maioria husi Timor Leste forma lina iha besik edifisiu POLRI ida nia oin iha atambua, ne'ebe Autoridade Indonezia sira ne'e la deporta fali Timoroan sira tama ilegal ba Teritoriu Indonezia nian ne'e fila mai TL maibe husik Timoroan sira ne'e ba sa'e sabuk Membru PSHT ne'ebe maioria husi Timor Leste forma lina iha besik edifisiu POLRI ida nia oin iha atambua, ne'ebe Autoridade Indonezia sira ne'e la deporta fali Timoroan sira tama ilegal ba Teritoriu Indonezia nian ne'e fila mai TL maibe husik Timoroan sira ne'e ba sa'e sabuk Foto Suplai

Tempotimor (Dili)- Primeiru Ministru no Ministru Interior (MI) Taur Matan Ruak sei kontatu lider grupu artemarsiais Persaudaraan Setia Hati Terate (PSHT) atu fó orientasaun ba ninia membru sira hodi labele tama-sai illegal liu husi fronteira rai maran.

Tuir PM Taur iha fator tolu ne’ebé halo movimentu illegal iha fronteira kontinua mosu. Ida mak relasaun familia entre populasaun iha area fronteira TL ho Indonezia, rua mak tranzasaun komersiu, no ikus mak liga ho atividade grupu artemarsiais.

"Kontinua tama ilegal iha fronteira ne'e, preokupasaun bo'ot, tan ne'e ami haree hela oinsa bele ultrapasa ida ne'e, mais iha fator tolu kontribui ba paisajen ilegais iha fronteira," dehan PM Taur hafoin reuniaun ho Prezidente Republika Francisco Guteres Lu olo iha palasiu prezidensial Bairo-pite, Kinta (17/09).

Iha fulan hirak ikus ne’e, PM Taur dehan, atividade grupu PSHT mak sita preokupasaun boot, tanba sira kontinua ultrapasa fronteira maske estadu implementa hela Estadu Emerjensia relasiona ho ameasa pandemia Covid-19.

Ita-nia oan sira husi PSHT ba-mai ilegalmente ne'e lori preokupasaun boot ba Ministériu Interior,” dehan nia.

Tan ne’e, nia parte kontatu ho lideransa PSHT nian atu koopera, tanba bainhira sira kontinua ultrapasa sei fó risku boot lori tama virus ne’ebé bele oho familia no komunidade.

"Ha’u hanoin sidadaun hotu tenke kontribui par situasaun labele prezudika sidadaun sira, tanba ne'e ha’u hakarak apela ba oan sira par kontribui ba seguransa, tanba moras ne'e perigozu," dehan nia.

Aleinde ne’e, PM Taur hatete, governu mós sei reativa Konsellu Seguransa Munisípal iha Munisipiu Bobonaro no Kovalima hodi reforsa seguransa iha fronteira.

Ministériu Interior, nia hatete, sei halo investigasaun kle'an atu bele deteta rede ne’ebé karik iha hodi fasilita sidadaun sira tama no sai ilegalmente iha fronteira.

"Agora ita halo investigasaun maka’as par bele deteta iha faktu ruma ou lae ita-nia ema fó kontribuisaun ou husi Indonezia fó kontribuisaun ba fasilita sidadaun tama no sai ilegal iha fronteira, tanba ne'e ami buka faktu, kuandu hetan naturalmente sei toma medidas par minimiza pasajen hirak ne'e," dehan PM Taur.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter