"Kona-ba servisu intelijénsia iha Munisípiu Dili ka iha Timor ne'e, ita-nia servisu tradisionál tebetebes, entaun liga ba intelijénsia iha nasaun seluk nian ema uza teknolójika ajuda ema-nia servisu, mas ita iha Timor liuliu iha Dili ne'e ita uza saida”, dehan nia, ba jornalista sira iha servisu fatin, Kaikoli, Dili, Tersa (25/08).

Komandante ne'e afirma, tanba servisu intelijénsia ne'ebé tradisionál tebes entaun polísia la konsege hetan informasaun barak.

"Ezemplu ida mak kazu rama ambon ida iha Ai-Mutin ne'e ita konsege kaptura suspeitu, tanba informasaun sira mai husi komunidade. Entaun, buat ne'ebé ita presiza halo mak ita-nia ligasaun ka koloka ita-nia rede to'o komunidade, inklui servisu Ofisiál Polísia Suku (OPS) no Konsellu Polisiamentu Komunitáriu (KPK) para apoiu servisu polísia ninian," nia dehan.

Komandante ne'e afirma, tanba kazu kontinua iha mak PNTL iha ona alvu hodi sensibiliza ba universidade sira par hatene servisu PNTL nian, liuliu oinsá tranzmite informasaun sira ba komunidade oinsá atu moris iha dame. (*)

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>