"Komandu munisípiu (Dili) nia edifísiu mós seidauk iha, ita ba eskuadra sira ne'e edifísiu mós seidauk iha, ita haree iha Kristu Rei tempu udan bee tama, Dom Aleixo nian kuandu udan bee tama husi leten depois husi kraik mós sa'e, agora iha Vera-Cruz sira nia fatin laiha, agora sira uza hela komandu nian," dehan nia, ba jornalista sira, iha knaar fatin, Kaikoli, Tersa (25/8).
Komandante mós dehan, alende husi infraestrutura ne'ebé la favoravel, transporte operasaun mós aat hotu ona.
Nia fó ezemplu, iha eskuadra Metinaru transporte laiha, karreta aat ona, agora eskuadra Atauru ninia karreta mós aat no seidauk halo manutensaun tanba orsamentu limitadu tebes, entaun ne'e komandu jerál nian para bele haree hodi kria meiu ne'ebé di'ak hodi apoiu servisu operasionál.
Henrique dehan, PNTL iha munisípiu hakarak servisu maibé apoiu ba transporte no kombustivel laiha, entaun ida ne'e sai obstakulu ba servisu PNTL.
"Mezmu kee karreta laiha, ami iha meiu seluk mak ami halo patrullamentu la'o ain, para servisu ida prevensaun ne'e la'o nafatin. Iha Dili laran ne'e kalan ita sempre halo atividade, hanesan karreta ba hatún hela, ita halo atividade la'o ain, entaun meiu ne'e mak ami uza hodi halo servisu," nia tenik.
Komandante Henrique espera, ho kondisaun ne'ebé daudaun iha, tinan oin bele sai prioridade para komandu no eskuadra sira iha Munisípiu Dili bele hetan edifísiu no seluk tan. (*)
HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.
<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
