“Objetivu maka habelar servisu Komandu Munisípiu Dili nian ba iha komunidade intelektuál atu sira bele servisu hamutuk ho Komandu Polisia Munisípiu Dili hodi garante pás ho estabilidade iha munisípiu Dili nian”, esplika Komandante Polisiamentu Komunitáriu Munisípiu Dili, Inspetór Polisia, Daniel da Costa Freitas, ba média sira, iha Kampus UNTL-Kaikoli, Kuarta (26/08).
Nia dehan, situasaun iha Munisípiu Dili daudaun ne'e komunidade sira moris hela iha estabilidade no pás nia-laran, no laiha buat ruma ne'ebé perturba situasaun sai grave.
Nia hatutan, atividade sensibilizasaun iha kampus nu'udár programa ida husi Komandu Munisípiu Dili nian hodi kria relasaun servisu hamutuk entre estudante universitáriu sira iha ensinu superiór hodi oinsá bele garantia pás.
Tuir planu, atividade sensibilizasaun iha kampus sei halo iha ensinu superiór hotu-hotu iha Kapitál Dili, atu sivista akadémiku sira bele kontribui ba pás no estabilidade iha kapitál Dili. (*)
HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.
<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>