“Australia oferese modalidade barak hodi kooperasaun ho ita. Ita halo patrollamentu hamutuk, sira lori sira-nia ró mai tula ita-nia forsa sira husi Naval ba halo patrollamentu iha ne’ebá”, dehan Ministru Defeza no Seguransa, Filomeno Paixão, iha Palásiu Prezidensiál Bairru-Pité, Tersa (2/4).

Iha diskusaun entre Ministru Defeza Timor Leste ho nia omologu husi Australia, afirma kooperasaun bilateral no trilateral inklui Indonezia.

Ministru defeza realsa, modalidade seluk ne’ebé Forsa Navál Timor Leste bele uza mak aluga ró Austrália nian hodi utiliza halo seguransa iha Tasi Timor parte sul.