Nia dehan, F-FDTL no PNTL iha kilat atu tiru ema la’os tiru animal. Mas tiru ema la’os tiru sabraut no bainhira tiru iha ain ka liman.
"Bele kriminozu mas ó tiru ain no tiru liman, la’os husi ulun fatuk mak tun”, tenik Ministru Filomeno, Palásiu Prezidensiál Bairru-Pité, Tersa (2/4).
Ministru ne’e dehan, regra jeral ne’e evita atu tiru, bainhira tiru iha ulun ne’e, iha ultimu rekursu ona
“Bainhira ita interven labele ona, nia atu taa ita ka ita book-aan la di’ak ona, ka nia ba oho ita-nia maluk ida, ka atu soe bomba iha fatin ruma ne’ebé ita evita labele ona, ne’e bele tiru. Mas ne’e la’os regra jeral”, tenik Meno.
Polisia kuandu tiru ne’e iha ain no liman, para evita kedas bainhira ema kriminozu sei dook. Tanba kilat ne’e atu tiru duni ema.
“Ba sira ne’ebé tiru arbiru ne’e tenke investigasaun profunda, tenke ba kadeia, tanba polisia iha nop (regra) bainhira mak tiru, tiru iha saida, se tiru sabraut lori ba tribunal”, tenik Paixão.