Maijor Jeneral Lere dehan, ema balun la gosta veteranu sira no hakarak sobu veteranu sira-nia unidade.
"Sira la gosta ita no hakarak sobu ita-nia unidade, dezde uluk funu laran to'o agora sira-nia planu mak oinsa atu sobu, liu-liu lideransa, empase politika la'o agora dadauk ne'e presiza dialogu entre veteranus no lider sira," dehan Lere hafoin hasoru-malu ho Prezidente Repúblika Francisco Guterres Lu Olo iha palasiu prezidensial, Kuarta (13/05).
VIDEO PUBLISIDADE APELU HUSI PM TAUR APLAUS BA FRONT LINE
Lere mós sente konfuzaun ba situasaun politika iha rai laran, tanba mosu petisaun oioin husi politiku sira.
"Situasaun politika iha rai laran ita haree ba konfuzaun boot, agora atu ba ne'ebé ita la hatene,” dehan nia.
Lere fó ezemplu kona-ba mosaun husi CNRT hasoru Prezidente Repúblika ba Tribunal Rekursu ne’ebé ikus mai hetan rezeisaun.
PUBLISIDADE
“Foin lalais hatama petisaun ba Tribunal Rekursu atu keisa Prezidente Republika depois ikus mai indeferidu, ne'e problema ida ona sen efeitu, kerdizer la tuir regras balun," dehan nia.
Ho situasaun ne’e, Lere apelu ba veteransu sira no rezistensia nia ema tomak atu vizilansia, matan moos no tilun moos.
"Ema politiku sira agora ko'alia ibun boboot, ko'alia Lei tun-sa’e, dala-ruma laiha sentidu, buat ki'ik-boot aplika Lei. Ha’u haree ba uluk iha funu grupu ida sakrifika ninia an atu ita-nia rai ne'e sai ukun an ida ne'e mak uluk ami halo duni, ami sakrifika ami-nia an ba intrese nasaun, agora partidu politiku sira sobrepoin sira-nia intrese no partidu nia intrese as liu fali intrese nasaun ninian."
PUBLISIDADE
