Reforsa Seguransa Rai Ketan, Tama Ilegál Husi Fronteira Tiru Tohar Tiha

Tempotimor (Dili)- Iha situasaun surtu Corona Virus Desiase 2019 (Covid-19), ba sidadaun sira tantu estranjeiru ne'ebé tama ilegál husi fronteira Terestre mak hetan Autoridade seguransa halai tenke tiru tohar tiha sira nia ain.

"Ami komesa ona reforsa seguransa fronteira nian. La'os ba funu maibe funu hasoru Corona Virus (Covid-19). Ida ne'e maka ami reforsa postu tolu iha fronteira atu prevene ema tama ilegal. lori moras mai bele kontazia ita nia populasaun," dehan Xefe Estadu Maior Jenerál F-FDTL Maijór Jenerál Lere Anan Timur, hafoin hasoru malu ho Prezidente Repúblika iha Palásiu Prezidénsia Bairro-Pite, kuarta (13/5).

VIDEO PUBLISIDADE APELU HUSI PM TAUR APLAUS BA FRONT LINE

 

 

Lere husu atu Timoroan sira labele tama husi dala ilegal hodi hamosu risku ba sira nia a'an. 

"Ema ne'ebé tama ilegál husi Fronteira haree kaer lori mai, se nia halai tiru tohar tiha nia ain, nia hakarak saida, fronteira ne'e nasaun rua mak fahe malu ita tama tenke tuir dalan, labele tama husi fali janela kuandu amigu kaer o lori mai entrega ba polísia, se o halai pasiénsia o Nia ain mak Tohar ou mate, rua ne'e ida", apelu Komandante F-FDTL ne'e.

Maijór ne'e akresenta, Fronteira ne'e presiza kompriende tantu Timor-oan no estranjeiru atu tama mai rai laran.

"Se mak iha sorin, tantu ita Timor-oan mak bá iha ne'ebá ou Timor-oan mak sai ona ema ne'ebá mai tenke tuir dalan legál ida ne'e mak importante", tenik Lere.

PUBLISIDADE

 

PUBLISIDADE

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.