“Realidade ida mosu ne'e, ita labele ko'alia buat ida, sidadaun sivil ida tula liman ba militár ne'e tula liman ida oinsá lai, tula liman ne'e la'os nia la'o arbiru mak baku, se nia tur ninia mak nia (sidadaun xineza) baku ne'e labele mais buat ida la'o mak asidente ne'e oin seluk, ne'e dezastre la'os, buat ida dezastre ne'e ita la espera, ne'e atu kona PNTL ka F-FDTL ka sé de'it kuandu dezastre ne'e dezastre", dehan nia iha Unidade Apoiu Servísu (UAS) Metinaru, Segunda (06/03).

Maibé bainhira sidadaun ida mak baku militár arbiru, tenki kaptura hodi submete ba investigasaun.

"Maibé ha'u nia tropas la'o mak imi baku arbiru, ne'e pasiensia ha'u haruka patrullamentu sira ba foti, imi halai to'o ne'ebé mais tenke ba foti", nia haforsa.

Relasiona ho kazu sidadaun xineza ne'ebé baku membru iha kaikoli prosesu kontinua la'o ba investigasaun iha Polísia Militár nia liman.

Akontesimentu dezastre entre Membru F-FDTL no sidadaun xineza ne'e parte Unidade Polísia Militár bolu ona sira hodi halo inkéritu relasiona ho kazu saida mak to'o akontese baku malu.

Hafoin hetan baku soldadu ne’e ba hato'o kedas keixa iha Diresaun Investigasaun Kriminál (DIK) parte F-FDTL nian, nune’e ba foti ona sidadaun xineza hodi halo investigasaun.

"Xinés ami foti la'os ba detein, tanba nia ema sivil, ita foti atu halo investigasaun la'ós ba detein fali ema sivil, se nia militár ami detein, membru ne'e ami haruka nia fila ba uma, tanba nia vítima nia ulun ne'e suku iha pontu tolu, nune'e sira iha hela uma", nia hatutan

Kona-ba motivu loloos seidauk hatene, tanba dadaun sei iha hela prosesu investigasaun. (*)