Login to your account

Username *
Password *
Remember Me

Horta Bandu Membru F-FDTL Kria Problema ho Populasaun

Xefe Estadu Maiór F-FDTL, Tenente Jeneral Falur Rate La'ek ko'alia hela ba media iha palásiu prezidensiál, Bairo-Pite, sexta (16/09). Xefe Estadu Maiór F-FDTL, Tenente Jeneral Falur Rate La'ek ko'alia hela ba media iha palásiu prezidensiál, Bairo-Pite, sexta (16/09). Foto Suplay

Tempotimor (Dili)-Prezidente Repúblika (PR), Jose Ramos Horta bandu Membru Falintil-Forsa Defeza Timor-Leste (F-FDTL) atu kria problema ho populasaun sira iha rai-laran.

Prezidente Repúblika liuhusi enkontru semanal ho Xefe Estadu Maiór Falintil- Forsa Defeza Timor-Leste (F-FDTL) Tenente Jeneral Falur Rate La'ek, sita mos mensajen ida ne'e ba Lideransa F-FDTL atu kontrola ninia militár sira hodi bele mantein sira-nia disiplina.

"Pontu importante mak mantein operasional forsa nian, kontrola forsa sira para labele indisiplina, labele halo problema ho populasaun, labele halo problema ho jornalista sira," dehan Tenente Jeneral Rate La'ek, hafoin finaliza enkontru ho PR Horta iha palasiu prezidensiál Bairo Pite, sesta (16/09).

Maibe, ko'alia kona-ba operasaun polisiamentu konjunta ne'ebe foin lalais envolve mos F-FDTL, dadauk konklui ona no parte F-FDTL hein de'it atu halo relatóriu.

Operasaun konjunta sei kontinua hala'o, maibé depende ba situasaun, se situasaun ameasadu, maka sira sei kontinua no situasaun normal filafali ona, operasun mos sei para.

"Situasaun haree kalma, imi mak haree di'ak liu, imi la'o tun la'o sai fo informasaun di'ak liu, imi ma haree facebook di'ak liu agora nusa mak mai hatete fali dehan ha'u mk hatene situasaun," nia hatete

Atividade seguransa polisia nian sei hala'o durante oras 24, sira nia vida tomak halo seguransa no parte F-FDTL sei fo apoiu.

Aleinde iha instituisaun F-FDTL, iha mos Polisia Militár (PM) ne'ebe patrollamentu ne'e sei kontinua la'o atu kontrola militár sira labele la'o tun la'o sa'e, hodi ba mete tun mete sa'e, arte marsial sira no karik ema tuda malu, labele ba tama iha laran par ema tuda fali sira no baku fali sira, PM iha atu kontrola ida-ne'e.

Bainhira ko'alia kona-ba meiu atu evita ema sivil baku military, ema hotu tenke toma konsiensia katak, presiza respeita malu, populasaun sivil labele baku malu tun sa'e, membru arte marsial mos labele baku malu.

Nune’e mós, ohin loron NGO, Instituisaun Edukador, Inan-Aman, Autoridade sira, hotu-hotu esforsu atu halo edukasaun, desportu tenke iha para eduka ema labele ba halo problema, labele baku malu.

"Liliu ba forsa sira ne'ebé hatene, forsa sira labele ba baku naran arbiru ema sivíl, ema sivíl mós labele baku ema arbiru, polísia sira labele baku arbiru," esplika nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter