Login to your account

Username *
Password *
Remember Me

Komandu PNTL Identifika Membru 160 Tama Ona Idade Avansadu

Komandante Jerál Polísia Nasionál Timor-Leste (PNTL), Komisáriu Faustino da Costa. Komandante Jerál Polísia Nasionál Timor-Leste (PNTL), Komisáriu Faustino da Costa. Foto Suplay

Tempotimor (Dili)-Komandante Jerál Polísia Nasionál Timor-Leste (PNTL), Komisáriu Faustino da Costa hatete, membru PNTL na’in-160 idade avansadu ona, maibé estatutu Pesoál ba reforma seidauk aprova.

“Dadaun ne’e membru PNTL ne’ebé ami identifika tama ona ba idade avansadu hamutuk na’in-160 mak dadaun ne’e kontinua halo servisu no na’in-20 sofre moras permanente, ita kada tina rekursu PNTL ne’e menus ba bebeik”, dehan Komisáriu Faustino, iha salaun Timor Lodge, segunda (11/07).

Tanba membru sira ne’e tama ona idade ida ne’ebé mak atu reforma ba vida sivíl no iha na’in-20 sofre moras permanente, maibé estatutu pesoál ba PNTL laiha, tanba ne’e sira idade avansandu kontinua halo misaun hanesan PNTL servisu povu no nasaun.

Nune’e komandu PNTL aprezenta ona ba Governu atu aloka osan iha tinan 2023 tenke halo manutensaun saúde ba membru Polísia sira ba ospital halo check up atubele hatene membru sira-nia kondisaun saúde.

“Ita agora aprezenta ona ba Governu husu atu tau osan iha tinan oin 2023 tau osan atu halo check up ba membru sira atubele hatene sira-nia kontidisaun saúde”, afirma nia.

Iha parte seluk Jestór Prinsipal Fundasaun Mahein, Abel Amaral hatete, komandu labele obriga membru ho idade avansandu tenke para servisu tanba estatutu pesoál ba membru PNTL seidauk iha, tanba lei kona-ba reforma Governu halo ona revizaun maibé seidauk finaliza.

“Ita husu Governu tenke aselera lalais lei estatutu pesoál ba polísia sira, tanba prosesu revizaun ba lei ne’e kuaze tinan rua ona seidauk finaliza ita-nia membru barak idade avansandu komesa mate ona laiha lei ida atu kesi sira”, dehan nia.

Maske membru Polísia ida tama ona ba idade avansadu no laiha ona forsa hodi halo servisu tuir lolos tempu ona para deskansa, maibé prosesu tomak komandu jerál PNTL labele obriga membru sira deskansa, tanba lei ba  membru sira idade avansadu hodi reforma ne’e seidauk iha. 

“Tinan 22 ona ezisténsia PNTL iha Timor-Leste ita labele husik nune’e de’it laiha lei ida mak atu regulla membru sira ne’ebé tama ona ba idade reforma kontinua servisu ida-ne’e la di’ak, tanba ne’e ita husu Governu tenke aselera lei ne’e ita tenke halo ona reforma ba sira”, deklara nia.

Antes Governu daualu husi Ministru Interior (MI), konklui ona lei rejime salariál no orgánika PNTL, maibé revizaun ba estatutu Pesoál Polísia Nasionál Timor-Leste (PNTL), seidauk finaliza sei iha prosesu diskusaun molok ajenda ba ih konsellu Ministru.

Vise Ministru Interior (MI), António Armindo hatete, Governu daualu liliu Ministru Interior tau prioridade ba lei orgánika PNTL, rejime salariál no estatutu pesoál PNTL nia, maibé seidauk finaliza sei iha prosesu diskusaun.

Kona-ba lei rejime salariál mak konklui hein de’it ona atu implementa no lei orgánika PNTL foin mak finaliza diskusaun iha Prezidensiál Konsellu Ministru (PKM), depois halo ona distribuisaun ba liña Ministeriál hotu, tanba ne’e balun aprezenta ona sira-nia paraser Ministru Interior hodi tau ajenda ba konsellu Ministru.

“Ida kona-ba estatutu pesoál PNTL foin dadaun ita halo diskusaun finál ona, maibé iha paraser legal ida husi seguransa sosiál nian presiza hadi’a molok ajenda ba konsellu Ministru, tanba ita-nia asesór prinsipál husi Ministériu Interior ho Ministru Defeza servisu hamutuk hadi’a, nune’e ita bele komfirma fali kuarta agora bele aprezenta ona iha Konsellu Ministru atu halo diskusaun”, informa nia.

Iha estatutu pesoál PNTL ne’e iha alterasaun balun kona-ba membru polísia sira ne'ebé mak dadaun ne'e tama ona iha idade reforma, tanba ne’e presiza hadi’a molok Konsellu Ministru aprova hodi aplika iha instituisaun PNTL.

“Sim iha estatutu pesoál PNTL ne'e iha alterasaun balun, tanba estatutu ne'e lei foun ministériu interiór mak produz, bainhira iha ona finál mídia bele entervista fali saída mak hadi’a no altesaun saída mak ita aumenta, tanba agora ne’e sei iha prosesu preparasaun los ona ita sei fó sai ba públiku molok lori ba Konsellu Ministru”, esplika nia.

Tanba ne’e iha estatutu pesoál PNTL foun ne’e sei halo reforma ba membru Polísia ne’ebé tama ona ba idade 60 to’o 65, tama ona iha kategória ba reforma fila ba vida sivil tenke iha estatutu propriu atubele garante sira.

“Sasán sira hanesan la’ós segredu, tanba ami presiza imi husu bebeik para ami bele ko’alia ba públiku kona-ba prosesu preparasaun ba lei estatutu pesoál PNTL nian to’o ona iha ne’ebé atu iha bele implementa”, katak nia.

Antes ne’e Komandante Jerál Polísia Nasional Timor-Leste (PNTL), Komisáriu Polísia, Faustino da Costa hatete, estatutu reforma ba membru PNTL sira ne'ebé ho idade avansadu ne'e laiha, nune'e husu ba membru ho idade avansadu kontinua halo servisu iha terenu.

“To’o agora ita seidauk iha lei reforma, laiha estatutu, ne'ebé idade ita-boot sira-nia to’o bainhira mós, ita-boot sira halo lai servisu, komandu la iha kompeténsia nem atu duni sai ita-boot sira katak imi-nia tinan labele ona, hodi halo servisu”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter