“Kestaun sira ne’ebé mak ita-nia populasaun sira hela iha área risku ba deszastre, deszastre ne’e nia kateg’oria barak, balun hela iha rai lolon ne’ebé mak fasil rai atu halai e balun hela iha fatin ne’ebé klean fasil bee bele nakonu ita bolu naran inundasaun. Parte balun ita haree ba populasaun barak mak hela iha mota laran fasil mota bele lori halai e iha parte balun mós risku ba dezastre iha ai-laran hanesan ai-tohar anin kuandu boot ai-bele tohar, taun área sira risku ba dezastre ida-ne’e e normalmente kuandu ita ko’alia kona-ba rai titulari rai ne’e”, dehan Ismael Babo ba jornalista sira foin lalais ne’e.
Tanba Lei protesaun sivil kompetensia protesaun sivil nian no atu kontrola fatin sira ne’ebé mak risku ba dezaster liliu iha lei protesaun sivíl nian iha artigu 20 ko’alia kona-ba utilizasaun ba rai, iha ne’eba dehan providu la bele halo konstrusaun iha fatin ne’ebé mak mosu ona dezaster iha fatin refere.
Bainhira ko’alia ba rekoperasaun ninia iha artigu nono dekretu-lei no7 ne’e atu imptementa artigu 20 husi lei protesaun sivíl nian dehan Estadu konsidera fó apoiu ba se de’it mak vítima bainhira dezastre akontese ba nia no asidente graves.
Haree ba asidente ho kategória grave mak hanesan dezaster por umano mak ahi-han uma no konflitu ruma, nomós iha asidente balu provoka vítima barak.
Maibé iha mós asidente estrupi ne’e mak halai liu ba dezaster naturál, hanesan rai nakdoko, bee sa’e. anin boot no udan boot sira ne’e. (*)