"Komandu Unidade Patrollamentu Fronteira (UPF) hatun nia efetivu 100-resin, ami utiliza rekursu ida ne’e hodi apoia Komandu Munisípiu tolu hanesan Bobonaro, Covalima no RAEOA”, dehan iha Kuartel Jerál PNTL, Kailoli, domingu (17/04).
Membru na’in-100-resin ne’ebé Komandu UPF koloka hodi apoia ba Komandu Munisípiu tolu, hahú halo sira-nian serbisu, hodi fó apoiu seguransa durante eleisaun Prezidensiál nian.
Durante kampaña eleisaun Prezidensiál segunda volta, situsaun seguransa iha liña fronteira la’o hakmatek.
“So iha dia 16 dader mak membru UPF sira detein sidadaun Indonézia nian ida, tanba halo atividade transasaun ilegál, hanesan fa’an sosis tama liu mai iha área fronteira Timor-Leste, ita detein depois ita informa ba iha Servisu Migrasaun ita-nian no deporta kedan sidadaun ne’e ba fali nia rai”, afirma nia. (*)
