Login to your account

Username *
Password *
Remember Me

Kapitaun Mar e Gerra Higinio Sei Kontinua Servisu iha Komponente Navál

Komandante Komponente Navál foun, Kapitaun Mar e Gerra Higinio da Neves. Komandante Komponente Navál foun, Kapitaun Mar e Gerra Higinio da Neves. Foto Suplay

Tempotimor (Dili)-Komandante Komponente Navál foun, Kapitaun Mar e Gerra Higinio da Neves hatete, nia parte promete sei kontinua servisu Komandante Komponente Navál ne’ebé iha ona hodi dezenvolve sai forsa ne'ebé profesionál iha futuru.

Kapitaun Mar e Gerra Higinio troka Komandante Komponente Navál, Kapitaun Fragata João Silva, ne’ebé lidera Komponente Navál iha FALINTIL-Forsa Defeza Timor-Leste (F-FDTL) durante ne’e.

Tanba ne’e, Komandante Higino agradese ba kargu Komandante Komponente Navál hodi kontinua servisu nafatin atu profesionaliza komponente.

“Komandante Komponente Navál foun sei la halo buat foun ida. Ami sei kontinua saida maka ita-boot sira halo ona”, dehan Kapitál Mar e Gerra Higinio das Neves, iha nia deskursu ba tomada pose iha Baze Komponente Naval Hera, tersa (12/04).

Komponente Naval la'ós buat foun ba Komandnate Higino, tanba hanesan ema ne'ebé antigu no ema ne'ebé mós lidera komponente Navál durante tinan 10 nia laran.

Ba mandatu ne'ebé Komandu F-FDTL atribui ba nia dala-ida tan sente todan, maibé ho parte hotu nia apoiu servisu hotu sente Kaman hodi kontinua hala’o.

“Ha'u mandatu dala ida sente diferente tebes iha mudansa balun ne'ebé mak iha liliu sistema autoridade marítima nian, ejize ita atu asegura ita-nia tasi ne'ebé luan liu rai, tanba ha'u husu parte hotu apoiu hodi ita fó susesu ba ida ne'e”, hatete nia.

Nune'e Komandante Komponente Naval ne'e husu ba membru sira atu tane aas nafatin disipliña no kopromisu hodi hamutuk servi no dezenvolve instituisaun F-FDTL sai dezenvolve di'ak liután.

Xefe Estadu Maior Jenerál FALINTIL Forsa Defeza Timor-Leste (F-FDTL), Tenente Jenerál Falur Rate Laek hateten, nomeasaun ba Komandante Komponente Navál ne'e bazea ba Estatutu Militár foun

“Tanba ne'e mak horseik ita hahú halo toma pose ba Komandante Komponente Terrestre, ohin ita kontinua halo pose ba Komandante Komponente Navál no horsida loraik ita kontinua toma pose ba Komandante Komponente Aero”, dehan Tenente Jenerál Falur.

Nune'e husu Estadu atu investe iha área komponente Navál ho fasilidade adekuandu nune'e bele asegura tasi Timor ho di'ak.

Tanba iha lei sistema autoridade marima ejize Komandante Komponente Navál foun atu ejerze funsaun ida Komanda Komponente Navál no funsaun seluk mak Komanda Autoridade Maritima tuir lei sistema Autoridade Maritima.

“Ne'e mak husu Komandante Navál maske servisu ba oin todan atu oinsá kontrola tasi, maibé husu parte servisu hamutuk atu fó susesu ba servisu sira ne'e”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter