Sekretáriu Estadu Protesaun Sivíl (SEPS), Joaquim Gosmão hatete, semináriu ne’ebé halo tema ‘Hametin mekanizmu koordenasaun ba jestaun risku no dezastre iha TL’ hoi bele haree ba prevensaun iha futuru.

“Semináriu internasionál ida ne'e ita halo loos iha fulan-abríl hodi bele halo reflesaun ba vítima dezastre iha tinan kotuk, komesa horseik ita-nia inudasaunta boot ida iha Timor-Leste, ohin ita halo semináriu ida ho tema reforsa mekanizmu koordenasaun ba jestaun risku dezastre”, dehan nia iha semináriu Internasionál, iha Ótel Timor, tersa (05/04).

Ho ida ne’e, konvida parseiru sira atu fahe nia esperiénsia kona-ba dezastre inundasaun, Governu Austrália, Portugál, Japaun no Amérika sira fahe kona-ba dezastre iha sira-nia rain.

“Ita mós sei aprezenta husi polísia nasionál Timor-Leste (PNTL) no sekretáriu estadu protesaun sivil (SEPS), ho liña Ministeriál balun no UN nia hodi bele ita tur hamutuk ba oin ne'e saida mak ita bele halo hodi hasoru dezastre sira iha futuru”, esplika nia.

Ba forsa Timor-Leste mak sei servisu hamutuk ho parseiru sira, uza mekanizmu saida mak di'ak oinsá reforsa liliu halo prevensaun no metigasaun uluk, antes atu akontese tan dezastre ne'e.

“Ida ne'e mak sai importante ba ita hodi halo semináriu fahe esperiénsia ba maluk husi nível nasionál no internasionál husi ita-nia parseiru sira”, dehan.

Ho semináriu ne'e sei hala'o durante loron rua nia laran ba aprezentasaun, maibé iha tan, loron rua husi loron 7 to’o 8 ne'e sira bolu top table Exercise.

“Ida ne'e ezersisiu ida hodi tau hanoin hamutuk, hodi produz dokumentu ida, bele sai matadalan ida, ita bele halo planu ba oin hodi sistema ida bele hasoru dezastre naturál ne'e”, esplika nia. (*)