‘Horsehik ita kontaktu komandante sira husi unidade tolu, UPM, UPF UEP, no komandante eskuadra sira iha munisípiu Dili nia ne'e, hodi mai diskute kona-ba seguransa ba kampaña prezidensiál segunda ronde nia ne'ebé sei monu iha loron 10-12, liuliu asegura seguransa ba apoiante husi kandidatura josé Ramos Hortra no Lú Olo”, dehan Komandante Interino Munisipiu Dili, Superentidente João Sancho Pires, iha nia kna’ar fatin, Kaikoli, tersa (05/04).

Nune'e orientasaun husi komandu nia fó hotu ona ba komandante eskuadra sira hodi bele orienta membru ba sede partidu CNRT no FRETILIN, nune'e mós fatin balun ne'ebé identifika bele mosu krime ne'e.

“Komandu Dili konvida komandante sira hotu atubele simu planu operasaun hodi nune'e bele implementa iha loron 10 no 12, orientasaun komandu nian fó hotu ona, agora oinsá mak komandante eskuadra sira bele koloka membru sira balun ba sede partidu CNRT, no FRETILIN inklui fatin balun ne'ebe identifika bele mosu krime”, afirma nia.

 Alende ne'e mós, PNTL sei halo Patrollamentu rutina iha Dili laran hodi asegura seguransa. Maibé kona-ba trasporte komandu kontinua utiliza nafatin viatura ne'ebé mak PNTL iha hodi asegura seguransa ba kampaña eleisaun prezidensiál segunda volta.

“Ita nafatin uza viatura ne'ebé komandu Dili iha, UPM iha, UEP iha, karreta aluga ne'ebé husi Komandu Jerál aluga, nomós apoiu husi Ministériu sira ne’e’, dehan nia. (*)