Portavoz Komandu Jerál PNTL, Superintentedente Xefe Armando Monteiro hatete, durante semana ida, Polísia Nasionál Timor-Leste (PNTL) rejista asidente trafégu tolu iha Munisípiu Dili ho Aileu rezulta na’in-tolu lakon vida.

“Iha semana ida, ita resjista asidente trafégu na’in-tolu lakon vida iha munisípiu Dili iha rua no Aileu ida”, dehan Amando iha Kuarte Jerál PNTL, Kaikoli, segunda (14/03).

Iha asidente trafégu ne’e, komandu PNTL mós lakon membru polísia di’ak ida husi asidente ne’e, tanba tinan 22 dedika-an hodi servi ba povu no nasaun liuhusi seguransa iha tribunál Dili iha polísia eskudra Vera Kruz.

“Husi asidente hotu ne’e, ida tungal monu ho motorizada rasik, rua seluk motoriza ho karreta soke malu hodi rezulta sira mate fatin”, informa nia.

Motivu husi asidente trafégu, tanba sidadaun sira laiha konsentrasaun, bainhira konduz tranporte motoriuzada iha estrada públiku ikus mai akontese sira tenke lakon vida.

Entretantu vítima na’in-tolu ne’e hetan asidente, dadaun ne’e família sira hala’o ona prosesu funerál tuir ida-idak nia lisan. (*)