Login to your account

Username *
Password *
Remember Me

BOP Baukau Preparadu Atua Problema iha Eventu Kampañia no Eleisaun

Unidade Espesial Batallaun Ordem Públiku ne'ebé destaka iha Baukau realiza hela simulasaun iha área vila nova, tersa (01/03). Unidade Espesial Batallaun Ordem Públiku ne'ebé destaka iha Baukau realiza hela simulasaun iha área vila nova, tersa (01/03). Foto Tomas Freitas

Tempotimor (Baukau)-Komandu Polísia Nasionál Timor-Leste (PNTL) Munisípiu Baukau liuhusi unidade espesial Batallaun Ordem Públiku (BOP) ne'ebé destaka iha Baukau preparadu ona atu atua problema ruma, bainhira akontese iha eventu kampañia no Eleisaun Prezidensiál.

Tanba, unidade espesial Batallaun Ordem Públiku halo ona preparasaun liuhusi atividade simulasaun iha Munsípiu Baukau.

"Konteudu simulasaun ne'e, treiñamentu preparasaun husi ita nia unidade espesial Batallaun Ordem Públiku ne'ebé destaka iha área juridiku, atu bele antisipa ba kualker asaun ruma dezordem públiku ruma kona-ba eventu kampañia tantu Eleisaun Prezidensiál ne'ebé atu mai," dehan Komadante Komandu PNTL Munisípiu Baukau, Superintendente António De Sá, iha vila antiga, tersa (01/03).

Simulasaun ne'e, oinsá halo atuasaun ba demostrasaun sira husi grupu tantu individu bainhira tenta kria perturbasaun no hamosu dezordem públiku iha fatin sentru votasaun.

Autoridade seguránsa nu’undar lutu nasaun nian, espera liuhusi simulasaun bele garante liután atuasaun ba kualker tipu problema ne'ebé akontese.

Alende ne'e mós, PNTL Baukau iha semana kotuk, realiza ona simulasaun ba ékipa task force sira halo demostrasaun ho eskil ne'ebé hanesan liga ho ordem públiku nian.

"Kuandu situasaun ezije nesesita atu akomoda forsa ne'ebé mak boot, prontu forsa destakadu sira junta nia forsa halo atuasaun depende ba kuantidade masa depende ba tipu krime ne'ebé iha," nia informa

Tuir obsservasaun www.tempotimor.com iha terenu nona katak, antes simulasaun, membru sira hahú ho formatura rona instrusaun husi Komandante PNTL Baukau, hafoin konvoiu iha vila laran no hala'o simulasaun dahuluk iha vila nova (PLN) no daruak iha rotunda vila antiga.

Entertantu husi simulasaun ne'e, utiliza mós ekipamentu gas, halo formatura ordem públiku nian inklui oinsá evakuasaun ba vítima sira husi fatin akontesementu sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter