Login to your account

Username *
Password *
Remember Me

PNTL Baukau Promove Membru Na'in-17 ba Ajente Prinsipal

Komadante Komandu PNTL Munisípiu Baukau, Superintendente António De Sá tau hela diviza ba membru sira, resintu Komandu PNTL Baukau, Sesta (13/03). Komadante Komandu PNTL Munisípiu Baukau, Superintendente António De Sá tau hela diviza ba membru sira, resintu Komandu PNTL Baukau, Sesta (13/03). Foto Tomas Freitas

Tempotimor (Baukau)-Komandu Polísia Nasionál Timor-Leste (PNTL) Munisípiu Baukau, promove diviza ba membru hamutuk na'in-17 ba ajente prinsipal.

Komandante Komandu PNTL Munisípiu Baukau, Superintendente António De Sá, hatete, Komandu PNTL Baukau marka tán istória foun liuhusi promosaun diviza ba membru sira husi ajente ba ajente prinsipal, tuir artigu-93 kona-ba modalidade.

"Foin ita asiste membru na'in-17 husi ajente ba ajente prinsipal, sira ne'e iha modalidade atividade servisu iha tinan-6 nia laran, tuir lolos promosaun sira ne'e hala'o tiha ona iha tinan kotuk liuba, maibé tán ita infrenta situasaun lubuk ida, atraveza mós situasaun tinan-foun nomós natál", dehan nia iha resintu Komandu PNTL Baukau, Sesta (13/03).

Membru PNTL husi na'in-17 ne'ebé promove ba ajente prinsipal inklui mós feto na'in-ida, tanba membru hotu iha direitu depende ba kualifikasaun servisu, no sira durante servisu tinan-6 la involve ba kazu sira hanesan krime no seluk tán.

"Kuandu iha kazu pendenti sira labele promove tuir natureza lei regulamentu disiplinar nomós kódigu penal sira", nia afirma

Nune’e, husu ba ajente promovido na'in-17 atu nafatin kumpri lei no ordem, ne'ebé difini ona iha konstuisaun RDTL artigu 147 no lei organika artigu-2 kona-ba natureza PNTL nian, tenke defende legalidade demokratiku garante sidadaun nia seguránsa interna.

"La'os sente orgullu de'it no aumenta salariu de'it, maibé tenke ho responsabilidade ba kna'ar, tenke nakonu respeitu direitus umanus, ne'e kna'ar ne'ebé halulik ona iha konstituisaun RDTL artigu 147 no lei organika PNTL nian iha artigu 2", nia hatete

Ajente prinsipal, Elizabet Belo Ribeirro sente orgullu ho promosaun diviza, tanba bele konsidera ona sira nia dedikasaun durante tinan-6 servi instituisaun PNTL ho ajente postu foin promove diviza ba ajente prinsipal.

"Nu’udar feto ha'u orgullu, ohin muda ha'u nia diviza prontu atu hala'o servisu polísia nian", nia hatete

Prezidente Autoridade Munisípiu Baukau, Olivio Freitas, enkoraja, ajente prinsipal na'in-17, atu nafatin ka'er metin prinsipiu seguránsa PNTL nian hodi atua situasaun, labele haree ba kór no rasa.

"Oan sira 17 pesoas ohin hetan diviza, signifika responsabilidade ne'e aumenta, uza metodu de pertuasaun, atu ema hothotu sente katak, polísia sira nia ema", nia dehan

Entretantu seremónia promove diziva ba membru PNTL na'in-17, partisipa husi PAM Baukau, Administradór Postu Admimistrativu na'in-6, Xefe Suku na'in-59 inklui entidade servisu sira iha Baukau.

Hafoin promove diviza ba membru PNTL na'in-17, komandu PNTL Munisípiu Baukau mós atribui sertifikadu apresiasaun ba lider arte marsiais sira iha Baukau, inklui Autoridade lokál husi Suku 59, ne'ebé antes ne'e servisu hamutuk iha área seguránsa nian iha Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter