“Sim, horikalan mós joven sira tuda malu, iha parte Beto ninia, iha Suku Madohi, ne'ebé besik kedas postu Polísia ninia, e ita passa revista ba joven sira iha ne'ebá, no ita hetan suspeitu ida ho inisiál AFX ida ne'ebé mak lori hela arma branka ka rama ambon, ho tinan 16”, informa Komadante PNTL, Munisípiu Dili, Superintendente Xefe Henrique da Costa, iha Salaun CNE, Kolmera, kinta (24/02).
Tanba akontesimentu ne'e besik kedas iha Postu Polísia ninia, bainhira simu informasaun ne'e, parte Patrollamentu Dom Aleixo ninia ba kedas iha fatin akontesimentu.
Nune'e parte Polísia Kaptura kedas suspeitu ne'e, lori ba eskuadra Dom Aleixo, dadaun ne'e suspeitu refere ba ona iha investigasaun munisípiu Dili nia, atu nune'e kumpri 72 oras, hafoin kontinua prosesu ba Ministériu Públiku. Ba kazu refere rejista ho Númeru, NUC 0106/22.DICMR. (*)
