“Sim ita ko'alia kona-ba operasaun ne'ebé hala'o husi Munisípiu Dili, espesifiku ba operasaun hodikalan ninia, parte komandu Munisípiu Dili kompostu husi forsa rezerva tránzitu, administrasaun, operasaun, investigasaun, no eskuadra sira, iha operasaun nee ita halo iha fatin 6, ne'ebé mak konsege hetan evidénsia motorizada hamutuk 78, karreta ida nomós prende dokumentu ida”, dehan Komadante PNTL, Munisípiu Dili, Superintendente Xefe Henrique da Costa, iha Salaun CNE, kinta (24/02).

Evidénsia sira ne'e, iha tránzitu Munisípiu Dili ninia, nune'e atu aplika multa ba infratór sira no sira ba selu iha banku hafoin bele foti filafali sira-nia sasán.

“Motorizada hirak ne'ebé ita prende ne'e tanba sira ne'e balun laiha dokumentu motór ninia, balun la uza sapa matrikula, balun la uza kapasete, nomós balun laiha espellu”, informa nia.

Ba operasaun ne'e sei nafatin kontinua, to’o komunidade sira liliu motorista sira, kumpri lolos ona regra sira no lei Kódigu Estrada ninia mak foin bele para. (*)