“Formasaun ida ohin ninia ne'e halo ba komadante eskuadra sira xefe operasaun munisípiu sira, no mós xefe Polisiamentu komunitária iha Munisípiu, Formasaun ida ne'e atubele fó hatene ba komadante sira atu hatene lolos sira-nia papel seguransa bainhira iha kampaña eleitorál no mós iha tempu eleisaun e depois de eleisaun”, esplika Komadante Operasaun PNTL Nasionál, Superentidente Xefe Pedro Belo, iha CFP Komoro, tersa (22/02).
Tanba ne'e mak halo ona aprezentasaun kona-ba papel seguransa oinsá mós halo relatóriu bainhira iha akontesimentu ruma, tanba formasaun ne'e, oradór husi Komisaun Nasionál ba Eleisuan sira (CNE), Sekretariadu Tékniku Administrasaun Eleitorál (STAE) no Ministériu Públiku, atubele hatene lolos kona-ba prosesu eleisaun no oinsá atu responde krime eleitorál bainhira mosu.
Formasaun ne'e ba komandante sira ne’ebé iha ligasaun servisu iha eleisaun atu sira bele komprende di'ak bainhira hala'o servisu iha terrenu ho profesionál.
Tuir regra ne'ebé mak sai ona, ba sentru votasaun hotu ne'ebé mak membru PNTL ida sei asegura tenke ho distánsia metru 25 husi sentru votasaun durante eleisaun la'o. (*)