Login to your account

Username *
Password *
Remember Me

Tempotimor (Aileu)-Sekretáriu Estadu Kooperativa (SEKoop), Elizário Ferreira, agradese ba autoridade munisipál Aileu no kompaña fornesedór sesta bázika, tanba distribui ona ai-hán ba komunidade sira la’o susesu.

Tempotimor (Dili)-Grupu Haburas Mata Dalan Kooperativa (HMDK) iha Suku Makadiké, Postu Administrativa Uatulari, Munisípiu Vikeké durante ne'e fó ona apoiu pordutu lokál liliu fós rai hamutuk tonelada 237 ba Programa Sesta Bázika.

Tempotimor (Covalima)-Xefe Suku Dato-Tolu, João Agostinho Resi, husu ba Sekretáriu Estadu Kooperativa (SEKoop) atu loke programa kooperativa iha suku Dato-Tolu, Postu Administrativu Fohorem, Munisípiu Covalima.

Tempotimor (Dili)-Sekretária Estadu Kooperativa (SEKoop) selebra Memorandum of Inderstanding (MoU) ho Governu Kuba liuhusi kompaña estatál ida, ba kooperasaun iha área importante haat (4).

“Asinatura ida ohin ne'e entre Diretór Jerál (SEKoop) ho Diretór Kompaña Estatál ida husi parte Ministériu Agrikultura e K|ooperativa Kuba ninian, halo kooperasaun ba área haat hanesan Agrikultura, peska, Agro-pekuaria, e transporte públiku, inklui ho dezenvolvimentu teknolójiku”, dehan Sekretáriu Estadu Kooperativa (SEKoop), Elizário Ferreira, hafoin asiste serimónia asina nota kooperasaun iha Akait, kuarta (04/08).

Tanba kooperasaun ida ne'e, ema bolu dehan kooperasaun ida tékniku ho diskusaun ne'ebé sira halo, presiza iha espesialista ruma atu eduka, forma no akompaña organizadór liliu dirijente sira kooperativa nian iha nível postu, suku no aldeia atubele hala’o serbisu ida ne'ebé di'ak, halo dezenvolvimentu kooperativa ida ne'ebé sustentável no asegura estabilidade finanseira no ekonómika iha vida kooperativa.

“Segundu, iha mós klauzala ba estudu komparativu no interkambiu ba juventude liliu ba kooperativista sira, atu nune'e parte rua bele aprende ba malu oinsá atu dezenvolve kooperativa liliu iha Timor atu nune'e bele kontribui ba kresimentu nasionál no redusaun ba dezempregu iha ita-nia rain”, hatete Elizário.

Kona-ba dezenvolvimentu agrikultura iha Timor-Leste, iha post distribuisaun ai-hán Sesta Bázika, iha produsaun barak mak aumentu, maibé preukupasaun ida ne'ebé mak parte kooperativa preukupa mak merkadu.

“Oinsá mak atubele asegura produsaun ne'e, ho merkadu ida ne'ebé sustentável ba produtór sira e nune'e mós produtór sira labele produz tanba de'it iha produsaun ne'ebé governu sosa, depois laiha tan produsaun. Entaun, edukasaun ne'e atu eduka ema hothotu atubele produz ho sustentável atu nune'e bele oferese ba merkadu ne'ebé mak seguru e sustentável mós iha ita-nia rain”, dehan nia.

Benefísiu husi akordu kooperasaun ho governu Kuba ne'e, primeiru mak formasaun, tanba ema ladun iha koñesimentu kona-ba utilizasaun ba ekipamentu sira ne'ebé mak pezadu ka modernu ba área agrikultura nian.

“Entaun, sira mai suporta ita atu ita-nia ema bele hetan koñesimentu di'ak ba utilizasaun ekipamentu sira. Segundu, matenek ne'ebé mak ita laiha, entaun ho espesialista sira-nia matenek ne'e bele hasa'e liután ita-nia ema sira, dirijente kooperativa sira, kooperante sira-nia koñesimentu atubele dezenvolve kooperativa ho di'ak hodi kontribui ba dezenvolvimenu nasionál. Ida ne'e benefísiu ida ne'ebé mak sustentável e longu prazu”, esplika nia.

Aldeinde ne'e, kona-ba peska nian sira iha ona federasaun ida ba kooperativa peska ne'ebé mak estabelese husi tinan 2013 liuba. Maibé, durante ne'e federasaun refere la funsiona instituisaun, tanba hanesan fali fa'an ikan, no la'ós funsiona hanesan organizasaun ida sekundária.

“Tanba ida ne'e mak ho reforsu sira ne'e bele motiva no insentiva liután organizadór sira ka dirijente sira federasaun nian atubele maneja federasaun ne'e hanesan instituisaun ida ne'ebé atu sai mahon ba primáriu sira ne'ebé maka mai husi kooperativa peskas ne'ebé adere ba sira, atu nune'e sira bele dezenvolve di'ak liután e bele mós promove futuru ida ne'ebé iha kooperasaun ba industrializasaun ikan nian iha futuru. Tanba ida ne'e mak ho prezensa asinatura ida ne'e bele hasa'e liután kapasidade ba ita-nia peskadór sira”, haktenik nia.

Akordu kooperasaun iha área haat ne'e, hala'o durante tinan lima, hafoin bele halo fali renovasaun tuir nesesidade ne'ebé mak presiza.

Entretantu, akordu kooperasaun ne'e, asina direta husi Diretór Jerál ba Kooperativa SEKoop, Francisco Xavier, ho reprezentante Embaixadór Kuba, José Ernesto Díaz Pérez, hanesan Sekretáriu Terseiru husi Embaixada Repúblika Kuba nian iha Timor-Leste. (*)

Tempotimor (Dili)-Sekretáriu Estadu Kooperativa (SEKoop) hahú organiza dirijente kooperativa feto sira husi nível munisípiu atubele halo preparasaun hodi forma Kooperativa Feto Nasionál, nune'e bele reprezenta nasaun Timor-Leste (TL) ba nível internasionál.

Tempotimor (Manufahi)-Sekretáriu Estadu Kooperativa (SEKoop) sei orienta ekipa formadór sira atu fasilita formasaun kooperativa ba grupu produtór sira atu nakfilak ba kooperativa iha Suku Betanu, Postu Administrativu Same, Munisípiu Manufahi.

Tempotimor (Manufahi)-Komunidade produtór sira prepara-an ona atu hari’i kooperativa multisetorial iha Postu Administrativu Alas, Munisípiu Manufahi.

Tempotimor (Ainaru)-Sekretáriu Estadu Kooperativa (SEKoop), Elizário Ferreira, husu ba komunidade sira iha Aldeia Bahá, Suku Foho Ailiku, Postu Administrativu Hato-udu, Munisípiu Ainaru, transforma lagoa Erheu ba kooperativa ida integrada, atubele dada ema hotu ba vizita.

Tempotimor (Manufahe)-Sekretáriu Estadu Kooperativa (SEKoop), Elizário Ferreira hatete membru kooperativa sira iha mak sai baze ba kooperativa atu moris no dezenvolve ba futuru, maibé la'ós osan, tanba osan bele fasilita de’it programa ne’ebé membru sira halo.

Tempotimor (Manufahi)-Sekretária Estadu Kooperativa (SEKoop) fó sertifikadu apresiasaun ba Autoridade Munisípiu Manufahi ne’ebé durante ne’e apoiu hodi fasilita distribuisaun sesta bázika (SB).

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter