Tempotimor (Oekussi)-Dirijente Kooperativu Kréditu Uniaun Fini ba Moris (Fini Mor), Gregório Neno hatete, preokupasaun sira ne’ebé hasoru durante ne’e mak presiza tan formasaun tanba rekursu limitadu, inklui materiál hodi fasilita atividade Kooperativa nian.

Tempotimor (Oekussi)-Dirijente Kooperativu Kréditu Uniaun (CU) Loriku Star, Lorenco Anunu rekomenda ba Sekretária Estadu Kooperativa (SEKOOP) atu loke estudu komparativu nasionál ba Kooperativa sira iha nível rejionál no nasionál.

Tempotimor (Oekussi)-Sekretáriu Estadu Kooperativa (SEKOOP), Elizário Ferreira, husu ba dirijente kooperativa Kréditu Uniaun (CU) Klibur Hanai Futuru (KHF) atu adere ba Federasaun Hanai Malu (FHM) hodi bele asesu tan kapitál boot.

Tempotimor (Oekussi)-Sekretáriu Estadu Kooperativa (SEKOOP), Elizário Ferreira hatete, nia parte prontu apoiu ho osan rihun-sanulu ($10.000) ba kooperativa Kréditu Uniaun Bioni Tumin iha Suku Bibometo, Sub Rejiaun Oesilu, Rejiaun Oekusse Ambeno, bainhira iha inisiativa hodi hari’i sede, maibé membru tenke atinje to'o 250.

Tempotimor (Oekussi)-Sekretáriu Estadu Kooperativa (SEKOOP), Elizário Ferreira hala’o vizita koperativa sira iha Rejiaun Autónoma Espesiál Oekussi Ambeno (RAEOA) atu rona direta preokupasaun sira ne’ebé mak durante ne’e enfrenta.

Tempotimor (Dili)-Ministériu Koordenadór Assuntu Ekonomia (MKAE) hamutuk ho Sekretáriu Estadu Kooperativa (SEKOOP) selebra loron internasionál kooperativa ba dala-100 iha Sentru Konvensaun Dili (Merkadu Lama).

Tempotimor (Dili)-Sekretáriu Estadu Kooperativa (SEKOOP) hamutuk ho Kooperativa Multisetorál hatudu Promosaun Kreatividade liuhusi Feira ba delegasaun Universidade Padjadjaran Bandung husi Indonézia antes tama ba loron Internasionál Kooperativa.

Tempotimor (Dili)-Sekretária Estadu Kooperativa (SEKOOP) asina akordu kooperasaun servisu ho Universidade Padjadjaran (UNPAD)-Bandung husi Indonézia ba tinan lima, atubele fasilita informasaun ba funsionáriu SEKOOP hodi asegura insitituisaun no asegura ekonomia iha nível Kooperativa nian.

Tempotimor (Dili)-Sekretáriu Estadu Kooperativa (SEKOOP), Elizário Ferreira hatete, iha komemora loron Internasionál Kooperativa ne’ebé hala’o iha aban, sábadu (02/07), SEKOOP sei fahe prémiu ba Kooperativa walu (8) ne’ebé durante servísu hetan prestsaun di’ak.

Tempotimor (Dili)-Sekretáriu Estadu Kooperativa (SEKOOP)  servisu hamutuk ho Padjadjaran University-Bandung-Indonézia apoiu semináriu ho Thema Ekonomia kreativu no Diversifikasaun ekonomia ba funsionáriu no kargu xefia sira iha SEKOOP.

Sekretáriu Estadu Kooperativa (SEKOOP), Elizário Ferreira esplika, razaun foti Thema ida-ne’e tanba hakarak investe ba setór non petrolífero sira iha rai laran.

“Ekonomia kreativu no Diversifikasaun ekonomia ami foti tema ida-ne’e tanba orientasaun oitavo Governu nian mak polítika ida ne’ebé atu investe ba non petrolíferu, tanba ida-ne’e mak setór kooperativa nu’udar setór ekonómika terseiru ne’ebé fó importánsia ba dezenvolvimentu umanu e fó importante mós ba dezenvolvimentu ekonomia iha área rurál”, dehan nia iha abertura semináriu, iha Salaun Katedral Vilaverde, kinta (30/06).

Ba atividade sira ne’ebé mak atu hala’o apoiu ba setór agrikola sira iha Munisípiu no iha lokál sira.

“Ba área agríkola, pekuária, agropeskas no seluk tan, tanba ida-ne’e mak semináriu ne’e ho prezensa Universidade Padjadjaran ne’ebé mak sei ko’alia kona-ba ekonomia kreativa no ekonomia Diversifikasaun”, informa nia.

Liuhusi semináriu ne’e atu fasilita funsionáriu no dirijente kooperativa sira inklui kargu xefia sira Sekretáriu Estadu Kooperativa (SEKOOP) nian bele iha referéensia hodi tun ba baze atubele edukasaun formasaun ba dirijente membru Kooperativa sira iha baze hodi fó asesu finanseiru ba kooperativa sira.

“Atu nune'e membru kooperativa sira asesu finanseiru iha hodi investe iha área produtivu ne’ebé mak agora iha rai laran”, afirma nia.

Vise Dekanu ba Rekursu no Organizasaun Fakuldade Polítika Siénsia Sosiál, Universidade Padjadjaran, Muhamad Benny Alexandri hatete, sei fahe materia ba ekonomia kreativa no ekonomia diversifikasaun iha semináriu ne’e rasik.

“Ami husi Universidade Padjadjaran Bandung ida-ne'e mós fahe semináriu kona-ba ekonomia kreativa dan diversikasaun no kooperativa nian no segundu mak MoU no servisu hamutuk entre Universidade Padjadjaran ho SEKOOP iha espesífiku ba matéria Kooperasaun”, dehan nia.

Husi parte Universidade Indonézia ne’e rasik mós prontu atu fahe materia ne'e ba Membru Kooperativa no kargu xefia iha SEKOOP ne'e rasik. (*)