Login to your account

Username *
Password *
Remember Me

SEKOOP Haruka CU KHF Adere ba Federasaun Hanai Malu 

Sekretáriu Estadu Kooperativa, Elizáriu Ferreiora enkontru hela ho Dirijente Kooperativa CU KHF. Sekretáriu Estadu Kooperativa, Elizáriu Ferreiora enkontru hela ho Dirijente Kooperativa CU KHF. Foto Tempo Timor

Tempotimor (Oekussi)-Sekretáriu Estadu Kooperativa (SEKOOP), Elizário Ferreira, husu ba dirijente kooperativa Kréditu Uniaun (CU) Klibur Hanai Futuru (KHF) atu adere ba Federasaun Hanai Malu (FHM) hodi bele asesu tan kapitál boot.

“Interkooperasaun entre Kooperativa, tanba ita halo liña koordenasaun e imi mós adere ba Federasaun Hanai Malu (FHM) atubele asesu tan kapitál ne’ebé mak iha, imi mós sira angota, mais imi foin sai angota ne’e imk kréditu la boot, maibé hahú ho $2.000.00 (rihun-rua) hahú Empresta ki'ik depois tuir mak Empresta boot”, dehan SEKOOP Elizário Ferreira ba Dirijente KHF bainhira hala’o vizita ba sira-nia sede iha Aldeia Samoro, Suku Kosta Ambeno, sesta (08/07).

Kooperativa CU KHF dadaun ne’e membru ho Kapitál hamutuk rihun-atusrua ($200.000.00) mak tenke kontinua asegura nia dana sira ne’ebé mak iha Kooperativa nia laran.

“Imi sufisiente ona, agora imi-nia dana sira, mak tenke asegura halo didi’ak oinsá mak atu asegura rekursu umanu ne’ebé di’ak ba Kooperativa ida-ne’e mak importante”, salienta nia.

Alende ne'e, dirijente Kooperativa CU KHF, Domingos Ulan hatete, sei dezafiu sira mak hanesan seidauk iha moru no presiza tan transporte (motorizada) hodi fasilita atividade CU KHF nian.

“Hau hanoin transporte, tanba ne'e importante ida ba CU KHF atu nune’e bele halo atividade hodi fasilita ami di’ak liután”, hatete nia.

Alende ne’e husu mós SEKOOP atu kontinua apoiu formasaun ba membru no dirijente sira hodi dezenvolve di’ak iha CU KHF nia laran. (*)

Rate this item
(0 votes)
Last modified on Monday, 11 July 2022 10:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter