MAPKOMS Klarifika Subsídiu Covid-19 Ba Estudante

Ministru Asuntu Parlamentar no Komunikasaun Sosiál (MAPKOMS), Francisco Jerónimo hola hela nota iha parlamentu Nasional Ministru Asuntu Parlamentar no Komunikasaun Sosiál (MAPKOMS), Francisco Jerónimo hola hela nota iha parlamentu Nasional Foto Midia MAPKOMS

Tempotimor (Dili) - Ministru Asuntu Parlamentar no Komunikasaun Sosiál (MAPKOMS), Francisco Jerónimo, rekoinese subsidiu ba estudante sira ne'ebe hala'o prosesu estudu iha rai-li'ur falla uitoan maibé hetan ona solusaun.


"Alin sira ne’ebé eskola iha rai-li'ur osan subsídiu iha Indonézia loos duni falla uitoan, balun hela iha Kupang naran mosu fali iha Jakarta no balun hela iha Jakarta naran mosu fali iha ne’e, tanba problema data base ne’ebé hatama ansi ne’e mak falla naran balun, maibé problema ne’e rezolve ona no haruka ona para atu bele halo fali sira-nia travanente rezolve ona tempu hirak liuba", tenik Ministru, iha Parlamentu Nasional, Ters (7/7).

Nia mos dehan, iha estudante balun seidauk hetan duni subsídiu tanba rejistrasaun mak tarde, maibé sira sei hetan hotu subsídiu ne'e.

"Presiza halo fali indentifikasaun atu nune’e bele rezolve sira-nia direitu ba subsídiu no sira sei simu subsídiu fulan tolu por volta tokon Rupiah 4.200", dehan nia.

Enttetantu, Deputadu Bankada Kmanek Haburas Unidade Nasional Timor Oan (KHUNTO), António Verdial, husu ba governu kona-ba prosesu atu fó subsídiu ba estudante sira bolseiru no naun bolseiru iha estranjeiru.

Aprova orsamentu ba Covid-19 ne’e ba dalarua ona. Dahuluk parlamentu aprova ona orsamentu rihun US$ 250, nunee aprova tan orsamentu rihun US$ 286.8 nia ralizasaun to’o iha ne’ebé ona. Tanba oan sira ne’ebé eskola iha rai-li'ur sira sei husu osan. 

Nia informa, organizasaun naun governaltal mos kria sira-nia sentru ida ba akampañamentu no husi sira nia relatoriu ne’e furak teb-tebes buat sira ne’ebé sira ko’alia buat sira ne’e relata importante teb-tebes. (*)

Rate this item
(0 votes)
Last modified on Wednesday, 08 July 2020 10:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.