Login to your account

Username *
Password *
Remember Me

Tempotimor (Baukau)-Ministru Administrasaun Estatál (MAE), Miguel Pereira de Carvalho hatete, iha tinan 2022, kustu orsamentu ne’ebé atu aloka ba Uma Kbi'it La'ek (UKL) iha área remotas no sidade sei diferente.

Tanba, iha área remotas ne’ebé ho kondisaun la diak kustu transporte sira mós karun, nune’e halo diferente ho konstrusaun iha vila.

"Sei iha diferensia alokasaun orsamentu, tekníku (Programa Nasionál Dezenvolvimentu Suku) PNDS sira sei garante par ne'ebé mak halo iha matebian tutun, nia kustu sei lahanesan ho sira ne'ebé halo iha vila," dehan Miguel iha salaun sentru konvensaun vila antiga Baukau, kinta (06/01).

Tinan 2021, Governu servisu ho Autóridade lokál sira hodi konstrui ona Uma-3 ba família kbi'it la'ek kada suku iha teritóriu nasionál ne’eb’e hamutuk uma 1254, maibé iha 22 seida'uk bele implementa, tanba kondisaun dalan la diak no hirak ne'ebé finaliza ona, tanba konstrui iha fatin asesu estrada.

"Balun halo iha aldeia vila nian, balun halo iha Aldeia izoladu, 22 uma seida'uk halo ne'e, tanba de'it dalan,” nia informa

Tanba ne'e, sei fó hanoin ba Ministéiru Obras Públika (MOP) hodi orienta Instituisaun Jestaun Ekipamentus (IJE) loke dalan ba uma UKL 22 ne'ebé mak to'o ohin loron seida'uk implementa.

Xefe Suku Hae-coni Baguia, Luis Oliveira kestiona, tuir lolos, MAE tenke haree hodi labele fó kustu ne’ebé hanesan, tanba suku balun sidauk asesu ba estrada.

"Sira halo iha Laga, Baukau, Vemase kontente, iha foho ne'e triste, tanba rai henek tula husi Kairavela no Vemase mak ba Hae-coni Baguia ret-ida selu pur-volta US$200 ital, ne'e laiha kualidade karik labele fó sala ba ema tekníku,  tanba osan ne'e fahe hanesan de'it," nia dehan

Maibé, to'o ohin loron UKL iha Suku Hae-coni seida'uk bele implementa, tanba preukupa iha estrada bainhira iha tempu udan, karreta ne'ebé tula matérial labele to'o iha fatin tarjetu UKL.

Nune'e, Xefe Suku Soba Postu Laga, Francisca Monica hatutan, implementa UKL iha Suku Soba Aldeia Asanunu seidauk bele implementa, tanba dalan ba trasporte ne'ebé mak tula matérial ba tarjetu UKL nian laiha.

"Tanba ne'e mak husi PNDS rasik halo tiha ona proposta ba iha IJE, maibé to'o ohin loron seida'uk iha resposta,"nia akresenta. (*)

Tempotimor (Díli)-Ministru Administrasaun Estatál (MAE), Miguel Perreira de Carvallo hatete, programa Governu ba tinan 2022, sei hari’i tan uma kbi’it la’ek (UKL) sira 10 iha kada suku.

Tempotimor (Baukau)-Veteranus Australia liuhusi Konsellu Kombatentes Libertasaun Nasionál (CCLN-sigla portugues) Timor-Leste apoiu nesesidade báziku ba família kbi'it la'ek hamutuk 43 iha Munisípiu Baukau.

Tempotimor (Dili)-Deputadu Bankada Frente Revolusionariu Timor-Leste no Independente (FRETILIN), Dario Madeira konsidera, suku balun triste ho implementasaun programa Uma Kbi'it La'ek (UKL) iha tinan 2022.

Tempotimor (Baukau)-Xefe Suku Soba, Francisca Monica de Fatima hatete, kondisaun estrada husi Postu Administrativu Laga ba Suku Soba, Aldeia Asanunu no Fatiliri ne’ebé aat obriga hapara implementasaun Programa Uma Kbi'it La'ek (UKL) iha Aldeia Asanunu.

Tempotimor (Baukau)-Prezidente Parlamentu Nasionál (PN), Aniceto Longuinhos Guterres Lopes halo komparasaun ba uma kbi'it la'ek (UKL) agora kualidade liu uma Millennium Development Goal (MDG) cobe house ne’ebé uluk governu anterior oferese ba povu.

 

Tempotimor (Baukau)-Badaen ne’ebé halo konstrusaun Uma ba Kbi’it La’ek (UKL) iha Suku Uaitame, Postu Administrativu Kelikai, Munisípiu Baukau, deside taka tali tahan ba UKL husu deskulpa ba Programa Nasionál Desenvolvimentu Suku (PNDS).

Tempotimor (Díli)-Diretora Nasionál Programa Nasionál Dezenvolvimentu Sukus (PNDS), Claudina Soares Pinto hatete, Primeiru Ministru (PM), Taur Matan Ruak, apresia ho serbisu PNDS ba implementasaun programa Uma ba Kbi’it Laek (UKL).

Tempotimor (Díli)-Diretora Nasionál Programa Nasional Dezenvolvimentu Suku (PNDS), Claudina Soares Pinto hatete, konstrusaun uma kbi’it laek (UKL) iha territóriu tomak atinje ona pursentu 55 (55%).

Tempotimor (Baukau)-Xefe Aldeia Makalira, Afonsu Martins hatete, durante loron lima (5) ona pesoál  Programa Nasionál Dezenvolvimentu Suku (PNDS) abandona kontrusaun Uma ba Kbi’it Laek (UKL) iha Aldeia Makalira, Suku Makalaku, Postu Administrativu Kelikai Munisípiu Baukau.

Page 4 of 5
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter