Login to your account

Username *
Password *
Remember Me

Prezidente PN Kompara UKL Agora Kualidade Liu MDG Uluk Governu Anterior Oferese

Uma kbi'it la'ek (UKL) agora no uma MDG, cobe house uluk. Uma kbi'it la'ek (UKL) agora no uma MDG, cobe house uluk. Foto Suplay

Tempotimor (Baukau)-Prezidente Parlamentu Nasionál (PN), Aniceto Longuinhos Guterres Lopes halo komparasaun ba uma kbi'it la'ek (UKL) agora kualidade liu uma Millennium Development Goal (MDG) cobe house ne’ebé uluk governu anterior oferese ba povu.

Hamosu komparasaun ne’e, bainhira PPN halo inagurasaun ba UKL -3 iha Aldeia Bahadato, Suku Fatulia, Postu Administrativu Venilale, Munisípiu Baukau iha loron 26 fulan-novembru tinan 2021.

Tanba ne’e, husu ba benefisiáru sira atu kuidadu fasilidade ne'ebé Estadu no Governu liuhusi Programa Nasionál Dezenvolvimentu Suku (PNDS) oferese ona, atu bele augente to'o tempu naruk, tanba estadu komesa halo konstrusaun ho kualidade.

"Uma ne'e forte, se kompara ho MDG sira matérial lokál hanesan cobe house sira ne'e  iha parlamentu foin tinan-15 atu monu ona", katak PPN

UKL agora ne’e, Governu liuhusi mak ofererese ba benefisiáriu sira liuhusi PNDS, tanba governu iha obrigasaun atu tau matan no harii ba família kbi'it la'ek sira iha teritóriu nasionál.

"Uma ne'e estadu govérnu mak fó, ha'u mai inagura de'it hanesan ofisialmente, iha venilale suku ne'e uma tolu de'it, ba oin sei aumenta tan to'o uma neen karik buat hotu estadu mak oferese", dehan nia iha Fatulia, sesta (26/11).

Nune'e, benefisiáriu, Rosantina do Rego de Castro sente kontenti no agradese ba Governu ne'ebé konsege apoiu ona UKL ba povu, tanba antes hela fatin la seguru, maibé ho apoiu UKL ida agora bele hakman ona nia sofrementu.

"Agradese ba Govérnu halo ona uma ba ha'u, uma ne'ebé dignu tebes, governu ida ne'e di'ak, ha'u husu atu realiza uma kbi'it la'ek ba ami nia maluk seluk", nia dehan

Sorin seluk benefisiáriu, Olandina Ximenes Cardoso mós sente kontente, maske fasilidade uma laran ladauk kompletu, maibé sufusiente ona.

Enkuantu benefisiáru, Regina de Sousa Pereira kontente no husu agrasede ba PNDS no Governu, tanba uma ne'ebé oferese bele ona hakman nia sofrementu durante hasoru hanesan hela fatin ne’ebé la seguru.

UKL-3 refere, ho medida 42 M² no konstrui ho orsamentu hamutuk rihun US$ 17 ne’ebé hahú konstrusaun iha loron 01 fulan-jullu no remata iha loron 30 fulan-setembru tinan 2021. (*)

Rate this item
(0 votes)
Last modified on Saturday, 27 November 2021 09:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter