Tempotimor (Dili)-Governu liuhosi Ministériu Solidaridade Sosiál no Inkluzaun (MSSI) deside hodi entrega proposta alterasaun lei pensaun vitalisia ba Parlamentu Nasionál (PN) tanba ezijensia povu ne’e kompeténsia orgaun lezislativu atu haree.

Tempotimor (Dili)-Prezidente Repúblika (PR), Francisco Guterres ‘Lú Olo’ ezije ba Parlamentu Nasionál (PN) atu rezolve pakote lei reformas juridisiáriu nomós lei eleitorál durante loron 6 nia laran hafoin tama ba tempo resesu.

Tempotimor (Dili)-Ministériu Administratasaun Estatál (MAE) hahú halo audénsia dahuluk hodi aprezenta motivu revizaun lei eleitorál ba Parlamentu Nasionál (PN) liliu Komisaun A trata asuntu Justisa no Konstituisionál.

Tempotimor (Dili)-Grupu deskoñesidu sunu maizumenus tuku 21:00 sunu ona uma husi oknum Polísia Nasionál Timor-Leste (PNTL) ne'ebé tiru mate Filomeno de Deus (Aman) ho Camilo de Deus (Oan) iha Suku Lahane Osidental Postu-administrativu Vera Cruz, Munisípiu Dili.

Tempotimor (Dili)-Konstrusaun estrada liga husi Munisípiu Vikeke liliu postu administrativu Uatulari no Uatukarbau ba postu Administrativu Iliomar, Munisípiu Lautein, governu preve ona iha planu tinan 2022.

Tempotimor (Dili)-Prezidente Repúblika (PR), Francisco Guterres "Lu Olo", husu Parlamentu Nasionál (PN) fo autorizasaun hodi deklara tan Estadu Emerjénsia (EE) ba da-14, tanba  númeru kazu Covid-19 ne'ebé kada loron aumenta.

Tempotimor (Dili)-Relasioná ho deklarasaun jurísta timoroan balun ne'ebé dehan kazu família piñor oan ba ema seluk laiha indísiu ba krimé maka, Bankada Partidu Libertasaun Popular (PLP) iha Parlamentu Nasionál dezafia jurísta atu estuda tán.

Deputadu Francisco de Vasconselho deklara, jurísta sira presiza hatene buat ida ne'e katak, ema peñor labarik ne'e krime mós.

Tanba, situasaun ne’ebé Timor-Leste hasoru ida ne'e estadu iha solidaridade, ema hotu iha atu apoiu solidaridade.

"Naumedigas ema ida labele ajuda para o (família) ba peñor labarik, ne'e laiha rajaun. Sé dehan ne'e la'os krime, tráfiku uma ne'e saida, tráfiku umanu ne'e ema fa'an labarik, ema sosa labarik, minoridade o fa'an ne'e krime, soe labarik mós krime, jurista sira ida be dehan la krime ne'e ba estuda tán, no le tán”, afirma nia iha PN, kuarta (19/05).

Iha konstitituisaun mós fó protesaun ba labarik iha diretu ba moris, nomós garante sira-nia diretu atu hetan protesaun husi organizasaun sira iha TL.

"Ita iha organizasun barabarak para bele tau matan, nusa nia (família) la lori bá, ne’ebé nia (família) mak sala”, hatete nia.

Tanba ne'e wainhira tau labarik iha rai ida ne'e, família mak tenke hatene kuidadu.

"Sé nia laiha responsabilidade, nia ba fa'an, nia ba so'e, krime, se mák dehan la krime, jurista sira ba estuda tán”, dehan nia.(*)

Tempotimor(Dili)-Xefe Bankada Kmanek Haburas Unidade Nasionál Timor Oan (KHUNTO) iha Parlamentu Nasional (PN), Olinda Guteres deklara, nia parte prontu atu apoiu devolve filafali osan US$400 ba kazu kombustível ho montante US$40, ne’ebé deskonfia komete husi deputada Maria Anabela Sávio iha tinan 2019.

Tempotimor (Dili)-Parlamentu Nasional liuhusi komisaun F trata asuntu Saúde deside sei kria projetu-rezolusaun ida hodi fó rekuñesimentu ba serbisu profisionál saúde sira iha ambitu kombate propagasaun surtu Covid-19.

Tempotimor (Dili)-Deputadu no funsionáriu inklui seguransa iha Parlamentu Nasional obrigatóriu tuir teste Swab ba daruak, tanba konsidera funsionáriu balun iha PN hahú infetadu covid-19.

Deputadu bankada UDT, Francisco David Xavier hatete, teste Swab ne’ebé sira simu ne'e hanesan faze ida atubele idenfitika kauza husi sutru covid-19.

“Ema infetadu,  ka pozitivu ne'e iha tiha ona, tanba ami ne'e iha fatin ne’ebé hamutuk ne'e mak obrigatoriumente ami tenke teste swab, atubele hatene, karik buat ne'e alastra tiha ona mai ami, ida ne'e mak ami halo hela ba segunda ves”, hatete nia ba www.tempotimor.com  iha PN, tersa (04/05).

Maibé, Deputadu UDT ne'e prontu atu izola aan wainhira deteta pozitivu ba covid-19. Tanba, kazu covid-19 nu’udar inimigu invijivel, bainhira pozitivu tenke submete ba izolamentu hodi halo tratamentu saúde.

“Se deteta pozitivu automatikamente sei ba kurantena no sala izolamentu para halo tratamentu tanba buat ne'e husi reprezentante povu ami mak hasai ezemplar ba sidadaun hothotu”, afirma nia.

Iha fatin hanesan Deputada Bankada FRETILIN, Lídia Norberta informa, teste swab ne'e ba deputadu 65, inklui funsionáriu no motorista tomak.

“Ohin ne'e ba funsionáriu hotu, motorista, seguransa, deputadu, iha PN”, dehan nia.

Entretantu kazu infetadu covid-19 ne'e dadaun da'et ona ba Asesor Bankada FRETILIN no Komandante Seguransa PN no dadaun submete ona ba sala izolamentu. (*)