Tempotimor (Covalima)-Adjuntu Administradór Munisípiu Covalima, Afonso Nugueira husu, ba Ministériu Asuntu Parlamentár no Komunikasaun Sosiál (MAPKomS) atu loke sentru informasaun Naroma ba Suku iha Munisípiu Covalima.

Tempotimor (Covalima)-Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira  Jerónimo, lansa Programa Naroman ba Suku iha suku Dato-Tolu, Postu Administrativu Fohorem, Munisípiu Covalima.

“Programa Naroman ba Suku ne'e, primeiru sei fasilita komunidade no joven sira liuhusi kapasitasaun iha área jornalizmu oinsá sira bele kobre potensialidade ne’ebé suku iha hanesan agrikultura, turizmu no rekursu importante seluk”, dehan Ministru Francisco iha suku Dato-Tolu, Postu Administrativu Fohorem, Munisípiu Covalima, kinta (5/08).

Tanba Governu nia programa ne'e lori ba povu nia leet, hodi rona povu nia hakarak, atu hatene komúnidade sira-nia preokupasaun, rona saida mak komunidade sira hakarak aprezenta ba governu.

Tuir planu governu iha povu nia leet ho Programa Naroman ba Suku, no hili suku sira ne'ebé hela iha área remota.

“Atu nune'e motiva ita-nia komunidade sira motiva ita-nia populasaun ida atu sente labele izoladu, atu nune'e dezenvolvimentu ne'ebé la'o dadaun ne'e mós bele hakat to’o iha sira-nia fatin, tanba ne'e ita lori Programa Naroman ba Suku mai iha Dato-Tolu”, afirma Ministru.

Tanba ida ne'e meius ne'ebé mak governu hakarak halo, nune'e hakbesik-an ba povu nomós povu bele koñese no hahú intende malu oinsá mak bele dezenvolve rai ida ne'e liliu saida mak bele akontese iha suku Dato-Tolu.

“Programa ida ne'e ki'ikoan ida ne'ebé mak ami bele halo ba ita-boot sira ida ne'e buat ki’ik ida ne'ebé ami halo ba ita-boot sira, ami hein katak ida ho ki’ik ne'e tau hamutuk no loron ida sei sai boot”, hatete nia.

Xefe Suku Dato-Tolu, João Agostinho Resi, sente orgullu ho programa Governu nia tanba bele hasai suku husi izoladu no tama iha suku dezenvolvimentu.

“Hodi komúnidade datoluk nia naran hato'o agradese uain tebes ba programa Oitavo Governu nia ne'e, tanba suku ida ne'e uluk okupasaun Indonézia to’o mai ukun-an ema temi hanesan suku mais izoladu iha Munisípiu Covalima”, dehan nia.

Partisipa iha atividade lansamentu ne'e, Administradór Postu Administrativu Fohorem, Prezidente TATOLI,ip, ekipa TIC, Komadante Eskuadra PNTL Fohorem, Diretór Planeamentu no Diretór DNDI, asesór MAPKomS, Xefe suku, Xefe Aldeia, Komúnidade no entidade relevante sira seluk. (*)

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu sei esforsu atu kompleta vasina AstraZeneca no Sinovac ho Pfrizer ba sidadaun tinan 12 to’o 17.

Tempotimor (Dili)-Ministériu Asuntu Parlamentár no Komunikasaun Sosiál (MAPKomS), Francisco Martins Jerónimo, kompremetidu bainhira instalasaun sistema Dijital Transmisaun Multimedia Terrestre (DTMT) ne'e remata, sei koopera ho governu Xina atubele distribui sasán sira ne'e iha merkadu hodi bele fasilita komunidade sira atu sosa.

“Bainhira buat sira ne'e la'o hotu ona, automatikamente sasán sira ne'e iha merkadu mós iha, hanesan set box, reciver, antena sira ne'e sei iha, tanba ha'u iha kontaktu permanente ho sira”, dehan Francisco iha gabinete, tersa (03/08).

Tanba ne’e garantia sasán sira ne'e sei tama ona iha merkadu nune'e bele fasilita komunidade sira bainhira buka la susar.

Ho ida ne’e, sei halo negosiasaun di'ak ho sira nune'e sasán sira ne'e mós to’o mai iha merkadu Timor-Leste ho di'ak no labele mai ho naran de'it ka aat nia.

“Ha'u garante ba ita-boot sira, katak sasán sira ne'ebé mai ne'e ho di'ak nia”, dehan nia. (*)

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Martins Jerónimo informa, projetu konstrusaun edifísiu foun ba Rádiu Televizaun Timor-Leste-empreza públika (RTTL,EP) sei hahú iha tinan 2021.

Tempotimor (Dili)-Administradór Postu Administrativu Matinaru, Fausto Soares Dias, informa komunidade sira Suku Mantelolaun, Postu Aministrativu Metinaro iha aldeia tolu ho uma-kain atusida-resin mak seidauk asesu liña eletrisidade.

Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco  Martins Jerónimo, husu ba entidades hotu, liliu lideransa komunitaria sira atu apoiu malu ba Instalasaun sistema Digital transmisaun Multimedia Terrestre (DTMT) liuhusi Rádiu no Televizaun  Timor-leste, empreza públiku (RTTL.ep) iha Postu Administrativu Metinaru, Munisípiu Dili.

Tempotimor (Dili)-Ministru Asuntu Parlamentar no Komunikasaun sosiál (MAPkomS), Francisco Martins Jerónimo halo sosializasaun kona-ba prosesu instalasaun sistema Dijital Transmisaun Multimedia Terrestre (DTMT) liuhusi Rádiu Televizaun Timor-Leste, empreza públika (RTTL.Ep) iha postu administrativu Metinaru, Munisípiu Dili:

"Tanba durante ne'e RTTL.EP sei uza sistema Analog maibé iha Oitavu Governu Konstitusionál ida ne'e hakarak halo transformasaun ba sistema dijitál tuir plataforma moderna ne'ebé mundu adopta ba daudaun ne'e hodi garante kualidade informasaun ba povu husi nivel nasionál to'o iha baze”, dehan Francisco Jerónimo iha Salaun administrasaun Metinaro, segunda (02/08).

Tanba ne'e Governu halo esforsu tomak atu fornese informasaun sira ne'e to’o iha baze atu nune'e fasilita komunidade sira no la presiza atu sosa tan parabola.

Bainhira sosa parabola nia kustu boot tebetebes mak Governu ho ninia programa ida ne'e hakarak oferese gratuita ba entidade hotu ba faze primeiru nune'e metinaru mos hola parte ba ida ne'e.

Iha fatin hanesan Administradór Postu Administrativu Metinaro, Fausto Soares Dias, agradese ba MAPKomS, tanba bele marka prezensa hodi halo sosializasaun kona ba prosesu Instalasaun SDTMT iha matinaro, nune'e mós bele ajuda ona komunidade sira oinsá bele asesu ba informasaun iha RTTL EP

“Agradese wain ba oitavu Governu konstitusionál, ne'ebé liu husi MAPKomS hodi prioritiza ona postu administrativu metinaro hodi halo sosializasaun programa sistema dijitalizasaun RTTL.E.P, nia iha Metinaro”, dehan nia

Entretantu partisipa iha Atividade sosializasaun ba instalasaun sistema Digital Transmisaun Multimedia Terrestre ne'e, prezidente RTTL,EP, prezidente Tatoli,IP, prezidente TIC, Prezidente Telemor, Komandante Interinu PNTL Dili, Eskuadra PNTL Metinaru, Diretór Planeamentu no Diretór DNDI, Xefe suku no xefe aldeia no entidade relevante sira seluk. (*)

Tempotimor (Dili)-Ministru ba Asuntu Parlamentar no Komunikasaun Sosiál (MAPKomS), Francisco Martins Jerónimo husu, servidór sira iha Ajensia Notisioxa Timor-Leste, institutu Públiku (TATOLI, ip) tenke hala'o servisu tuir misaun ajensia nian.

Tempotimor (Dili)-Governu liuhusi Ministériu ba Asuntu Parlamentár no Komunikasaun Sosiál (MAPKomS) prontu atu apoia Asosiasaun Defisiente Timor-Leste (ADTL) hodi hari’i Rádiu Komunidade Defisiénsia.