Tanba problema eletrisidade sei difikulta ba programa ne'ebé Ministériu Asuntu Parlamentar no Komunikasaun sosiál (MAPkomS) halo atu diversifika sistema analog ba sistema jijital, liuhusi Rádiu Televizaun Timor-Leste, empreza públika (RTTL.Ep) iha Postu Administrativu Metinaru, Munisípiu Dili

“Uza oportunidade ida ne'e informa ba MAPKomS atu hato'o ba liña Ministerial sira kona-ba problema ne'ebé ami hasoru iha postu ne'e, tanba ida ne'e difikulta ba programa ne'ebé dadaun ne'e Oitavu Governu konstitusionál iha katak atu diversifika sistema analog ba sistema gijital”, dehan Fausto Soares Dias iha Postu Metinaru, segunda (02/08).

Ho problena falta ahi-eletrisidade iha Aldeia tolu ne’e desde Timor ukun-an to’o agora komúnidade iha aldeia Has-laran, Mantelolaun, no aldeia Libi-Tuhu, difikulta tebes ba komunidade sira atu asesu ba informasaun liuhusi televizaun.

Maske hatama ona proposta ba governu maibé to’o agora seidauk bele responde, tanba iha kompaña sira hadau malu maibé nafatin laiha rezultadu.

Nune'e iha tinan 2020 autoridade suku Mantelaun hamutuk ho autóridade Postu Metinaru hato'o proposta ba iha Ministériu Obras Publikas (MOP) hodi fó apoiu solár panel ba komunidade iha aldeia tolu, nune'e aldeia tolu ne'e dadaun uza hela solár panel.

Maibé Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, deside sei informa ba ministértiu relevante atubele responde.

“Tanba ne'e ha'u toma nota hela, depois ha'u sei ba fó hatene sira, tanba ami ida-idak ho ami-nia servisu rasik, nune'e ha'u sei ba fó hatene sira nune'e sira bele mai atende ida ne'e”, dehan nia. (*)