MAPKomS Prontu Apoiu Hari’i Rádiu Komunidade ba Difisiénsia

Ministru MAPKomS, Francisco da Costa Pereira Jerónimu, halo'o hela deskursu  iha salaun Ministériu Transporte no Komunikasaun (MTK), Kaikoli, kinta (29/7). Ministru MAPKomS, Francisco da Costa Pereira Jerónimu, halo'o hela deskursu iha salaun Ministériu Transporte no Komunikasaun (MTK), Kaikoli, kinta (29/7). Foto Suply

Tempotimor (Dili)-Governu liuhusi Ministériu ba Asuntu Parlamentár no Komunikasaun Sosiál (MAPKomS) prontu atu apoia Asosiasaun Defisiente Timor-Leste (ADTL) hodi hari’i Rádiu Komunidade Defisiénsia.

Ministru ba Asuntu Parlamentár no Komunikasaun Sosiál (MAPKOMS), Francisco da Costa Pereira Jerónimo, hato’o kompromisu ne’e bainhira hala'o abertura ba semináriu nasionál ho tema “Asesu no Komunikasaun Ida Inkluzivu no Asesivel ba Sidadaun Timor-Leste no Asembleia Jerál ba Estabelesimentu Rádiu Komunidade Defisiénsia”, kinta (29/07), iha salaun Ministériu Transporte no Komunikasaun (MTC), Kaikoli, Dili.

Pozisaun governu rekoiñese, sidadaun hotu iha liberdade espresaun no liberdade imprensa, inklui Asosiasaun Defisiente iha Timor-Leste.

Ho ida ne'e, Asosiasaun Defisiénsia iha direitu tomak atu hari’i rádiu komunidade ida ba ema ho defisiénsia hanesan hatuur ona iha Konstituisaun RDTL, liliu kona-ba direitu ne’ebé atribui ba ema ho defisiénsia hanesan ho sidadaun sira seluk no Governu ne’ebé de’it mak kaer ukun iha obrigasaun atu fó protesaun no atensaun ba sira.

"MAPKOMS hein katak liuhusi semináriu nasionál ne’e bele hamosu estatutu no orientasaun ne’ebé loloos hodi define kna’ar ba jestaun rádiu komunidade ne’ebé sei hari’i ho di’ak, maibé presiza haree mós ba ninia sustentabilidade iha futuru”, afirma nia.

Husi planu hirak ne'e, Ministériu Asuntu Parlamentár no Komunikasaun Sosiál hato’o kongratulasaun ba ADTL tanba konsege organiza realizasaun semináriu nasionál ne’e hodi ko’alia kona-ba futuru rádiu komunidade defisiénsia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter