"Ita kontinua kompromete ho objetivu nasionál boot sira ne’ebé dezenvolve ona iha Planu Estratéjiku Dezenvolvimentu Nasionál (PEDN), ho meta no objetivu sira Dezenvolvimentu Sustentável nian (ODS), ne’ebé asume ona ho komunidade internasionál, hodi halakon hamlaha, ki’ak no sub-nutrisaun, hodi promove igualdade no inkluzaun, hadi’a no habelar infraestrutura esensiál sira ba konetividade país nian, no kontinua hodi promove reforma esensiál sira administrasaun públika, justisa, desentralizasaun no ordenamentu territóriu, fiskalidade, impostu nian, ne’ebé konsidera fundamentál hodi hasa’e produtividade no kompetitiva país nian”, dehan PM Taur liuhusi komunikadu imprensa ne’ebé www.jornalista.com asesu, sesta (30/07).

Tanba ne’e, iha enkontru Parseiru Dezenvolvimentu ba Integrasaun Ekónomia Rejional (Timor-Leste Development Partners Meeting-TLDPM) ne'ebé realiza iha Ministériu Finansas Aitara-Laran Dili.

Iha diskursu PM, Taur Matan Ruak hatete, sei kontinua Programa Governu ne’ebé koloka sidadaun sira iha sentru atividade polítika nian, iha sentru atividade polítika nian.

"Ita kontinua empenha ho prioridade no kompromisu sira ne’ebé País ne’e asume ona, iha Programa Governu Konstitusionál VIII, ne’ebé koloka sidadaun sira iha sentru atividade polítika nian, liuliu iha nesesidade atu prepara servisu edukasaun, saúde, eletrisidade bee no saneamentu, seguransa sosiál no formasaun profisionál ne’ebé di’ak liu, kapasidade atu promove oportunidade kriativa no produtividade foun sira ne’ebé mosu”, dehan Taur.

Tanba kompromete ona ho diversifikasaun ekonómika no ho reforsu husi setór privadu, ne’ebé mak hakarak liliu atu transforma loloos iha motór dezenvolvimentu nasionál nian.

“País ida ne’ebé mak ita hakarak reziliente liu atu hasoru krize sira ne’ebé sei mai, la depende ba importasaun, produtivu liu ho produtu oiin, kriativu no inovadór liu”, afirma ina.

País ida ne’ebé la dependente ba rendimentu mina-rai, iha kapasidade atu dada investimentu sira no hadi’a ambiente negósiu ida ne’ebé di’ak no aproveita potensialidade iha agrikultura, peska, indústria no turizmu.

Maske país ida ne’ebé belun liu ho ambiente, sensivel liu ba nesesidade jéneru, igualdade no toleránsia, maibé mós komprometidu liu ho devér empeñu, serbisu, kompromisu no serbisu iha ekipa interdixiplinár ka multisetoriál.( *)