Tempotimor (Dili)-Sentru Integradu Jestaun ba Krize (SIJK) hahú rejistu kazu rekuperadu durante oras 24 nia laran (27/05/2021) hamutuk 225.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, pasiénte Covid-19 na'in-4 grave iha izolamentu Vera Cruz.

Tempotimor (Dili)-Sentru Integradu Jestaun ba Krize (SIJK) deklara Munisípiu 3 hanesan, Dili Bobonaro ho Covalima mak dadaun sai fatin risku boot liu atu populasaun hada'et tutan Virus SARS-CoV-2 iha Timor-Leste (TL).

Tempotimor (Dili)-Ohin loron 22 fulan-maiu 2021, pasiente Covid-19 ida ho inisiál FG (73) hakotu tan iis iha izolamentu Vera Cruz.

Tempotimor (Dili)-Portavoz komisaun interministeriál ba implementasaun vasina Covid-19, Danina Coelho hatete, iha kapitál Dili ema hamutuk rihun 25.000 mak simu ona vasina doze dahuluk no hahú husi loron 7 fulan-abríl Timor-Leste ema hamutuk rihun-53 mak simu ona.

Tempotimor (Dili)-Sentru Integradu Jestaun ba Krize (SIJK) kontinua rejistu kazu Covid-19 ativu 2.569 ho númeru ne'ebé boot iha Timor-Leste.

Tempotimor (Dili)-Médiku Sentru Saúde Komoro (SSK), Veronica Vilanova dos Santos katak, maski sidadaun sira simu tiha Vasina AstraZeneca ba doze daruak, maibé kontinua nafatin regra prevensaun hanesan uza máskara, distánsiamentu sosiál no fase liman, hodi  kombate Covid-19.

Tempotimor (Dili)-Sentru Integradu Jestaun ba Krize (SIJK) rejistu tan kazu pozitivu Covid-19 foun hamutuk 178 ne'ebé mai husi Dili 147, no munisípiu seluk 31, tanba ne’e kazu ativu iha Timor-Leste sa'e ba 2302.

Tempotimor (Dili)-Sentru Integradu Jestaun ba Krize (SIJK) iha loron kuartu (19/05) rejista pasiénte Covid-19 na’in-ida mate tan iha sala izolamentu Vera Cruz.

Pasiénte ne’e, iha loron 18 fulan-maiu, halo tratamentu iha fatin izolamentu Vera Cruz ho oksijéniu liuhosi CPAP (Continuous Positive Airway Pressure) iha ICU, maibé iha loron kurta (19/05) dader 09:45 iis-kotu, tanba       fallansu respiratóriu (respiratoric failure) ho multiple organ failure.

“Totál óbitu ne’ebé relata ohin, 19 fulan-maiu tinan 2021 na'in-1, Mane ho idade 60 Timoroan”, deklara Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria Araújo liuhusi komunikandu imprensa, kuarta (19/05)

Matebian, ne’ebé moras durante semana 1 iha uma, ba Hospitál Nacional Guido Valadares (HNGV) iha loron 18 fulan-maiu tanba iis-boot maka’as, diagnostikadu ho sindroma insufisiénsia respiratória         aguda (SIRA), ka susar atu dada-iis no deteta mós SARS-CoV2 ho Cycle Threshold (CT) Ngene 26,6, Egene 25,1.       

Aliende ne’e, matebian ne’e iha istóriaTuberkuloze ho mós      diabetes ne’ebé la kontroladu.

Maski familia koordena ona ho ekipa SIJK ba proseus funeral, maibé tuir nafatin protokolu husi Organizasaun Mundiál Saúde (OMS) no ministériu saúde.

Nune'e kazu óbitu Covid-19 iha Timor-Leste hamutuk na'in-11 ne'ebé rejista mai husi munisípiu Dili na'in-10 no munisípiu Likisá na'in-1. (*)

Tempotimor (Dili)-Adidu Traballadór Timoroan ba Austrália, Tomas de Araújo Guterres hatete, Governu Austrália dadaun ne’e seidauk simu timoroan tama iha sira-nia teritóriu, tanba konsidera Timor-Leste (TL) tama ona iha zona mean ba Covid-19.

“Governu Austrália konsidera ita hanesan zona mean ba transmisaun Covid 19, entaun sira seidauk autoriza ita atu tama ba sira-nia nasaun”, deklara Tomas de Araújo iha sala VIP Aeroportu Prezidente Nicolau Lobato, Komoro-Dili, kuarta (19/05).

Adidu Tomas mós informa dadaun ne’e Pacific Labor Scheme (PSL) sei pendente timoroan na’in-30 hodi aranka ba Austrália.

“To’o agora de'it PSL nian ita pendente hela ne'e kuaze 30 resin sira seidauk ba tanba sei prosesu hela sira-nia dokumentu no relasiona ho ita-nia estadu emerjénsia”, dehan nia.

Maibé, ihaloron kuarta (19/05) timoroan ne'ebé servisu iha Austrália na’in-5 desloka mai Timor-Leste tanba kontratu termina. Husi traballadór hirak ne’e feto na’in-2 no mane 3. (*)