"Iha Dili hahú lansamentu vasina iha loron 10 fulan-maiu maizumenus ema rihun-25 mak simu ona vasina Covid-19 ba ronde dahuluk, no ohin loron ema hamutuk rihun-53 mak simu ona vasina doze dahuluk iha territóriu Timor-Leste”, dehan Danina Coelho iha Salaun MSSI kaikoli, sesta(21/05).
Atu hamenus lalais transmisaun komunitaria iha Dili, Governu deside halais liu programa vasinasaun, tanba ne'e pesoál saúde la'ós fó de'it vasina ona postu saúde maibé hakaat ba fatin fatin, inklui ba to’o iha aldeia sira.
"Porsentu haatnulu-resin-ualu (48%) husi sira ne'ebé mak simu ona vasina mai husi grupu prioridade sira, ho moras komorbidade (6.046 ka 24%) ema ho tinan 60 ba leten la ho moras komorbidade (1.268 ka 5%)pesoal liña oin sira (4.555 ka 18%), pesoál saúde (110 ka 1%) no adultu sira tinan 60 mai kraik la ho moras komorbidade (13.011 ka 52%) ema ho idade 18 ba leten 19%”, afirma nia.
Pesoál saúde halo esforsu tomak no haree katak planu vasinasaun ladún atinje alvu balun, iha primeira faze fó doze dahuluk, tanba ne'e enkoraja família sira atu lori lalais maluk ho moras krónika no otas liu 60 ba vasina hodi sira bele proteje an di'ak liu.(*)
