Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) iha loron 06 fulan-agustu, rejistu kazu Covid-19 foun 161 no totál pozitivu iha munisípiu Ermera hamutuk 683.

Tempotimor (Dili)-Koordenadór Forsa-Tarefa ba Prevensaun  no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 ativu 1.160 no kazu rekoperadu iha loron 5 fulan-Agostu tinan 2021 hamutuk 14.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 rekuperadu hamutuk 35 no pozitivu foun 45.

“Kazu rekuperadu ne’ebé ralata iha loron 4 fulan-Agostu tinan 2021 hamutuk 35 no kazu detetadu pozitivu Covid-19 foun 45 (iha Dili 26, munisípiu seluk hamutuk 19) mane 26,    feto 19”, informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu impremsa, kuarta (04/08).

Husi totál kazu detetadu foun hirak ho idade tinan 12 na'in 1, ho idade entre      tinan 12-59 na'in-42 (91,3%) ho idade  60 na'in-3,  6 kazu ka 13% mak sintomátiku (hatudu sintomas), kazu ativu 1.094 no totál kazu konfirmadu kumulativu iha       4 fulan-Agostu.2021 (sura husi21 Marsu 2020) 11.145.

Hahú loron 3 to’o 4 fulan-Agostu, hamutuk hotu Laboratóriu Nasionál Saúde (LNS) halo 495 testes PCR iha        Dili, ho detalla hanesan vijilánsia sentinela 3, rastreiu ba kontaktu (contact tracing) 43, rastreiu.aleatóriu (random screening) 35, viajen sai husi          serka sanitária munisípiu Dili 305, viajen       internasionál.52 no follow up iha kuarentena 57.

Rezultadu testes PCR  ne’ebé halo iha loron 3 fulan-Agostu iha munisípiu sira seluk REAOA ho HNGV hamutuk 324, ho detalla hanesan, Baukau 75, Ermera 17, Maliana 25, Maubisse 76, RAEOA 10, Suai 60, Vikeké 24 no HNGV 37. (*)

Tempotimor (Dili)-Koordenadór Forsa-Tarefa ba Prevensaun  no Mitigasaun    Surtu Covid-19   iha Timor-Leste, Rui Maria de Araújo hatete, númeru kazu pozitivu Covid-19 hahú aumenta maka'as iha munisípiu Ermera tanba kazu ativu hamutuk 588.

Tempotimor (Dili)-Governu liuhusi Ministériu Saúde (MS) hamutuk ho liña interministérial sira ba kombate surtu Covid-19 nian hahú diskute no halo preparasaun ba sosa vasina Pfizer, nune'e bele vasina labarik sira ho idade tinan 12 to'o 17.

“Imi hatene katak, to'o agora ita sei nafatin hala'o hela kampaña ita-nia vasinasaun nian, prontu vasinasaun ba adultu sira ita kontinua halo ho vasina AstraZeneca nomós vasina Sinovac e agora dadauk ami ko’alia hela oinsá mak atubele hetan asesu vasina ba labarik sira ou ema ne'ebé mak idade husi 12 anus to'o menus husi 18 anus”, dehan Ministra Saúde (MS), Odete Maria Freitas Belo, iha salaun MSSI, Kaikoli, tersa (03/08).

Tanba ne’e, halo aprezentasaun kona-ba planu no preparasaun husi ekipa téknika sira-nian molok aprezenta ba komisaun interministeriál hodi halo apresiasaun hafoin implementa vasina ba labarik sira.

“Ikus liu ita hakarak mós informa preparasaun ida ne'e ba konsellu ministru. Prontu, felizmente ohin korum ne'e la to'o, entaun ami aprezenta, e espera katak segunda-feira ami sei halo aprezentasaun dala-ida tan, e hafoin ida ne'e ita bele aprezenta iha Konsellu Ministrus”, afirma Odete.

Dadaun ne'e, MS nia ekipa téknika sira halo ona preparasaun ba sosa vasina, inklui mós sosa arkar frigorífiku sira, ka jeleira sira ne'ebé mak atu tau vasina Pfizer.

MS mós tau orsamentu iha fundu Covid-19 nian hodi prepara ba sosa vasina, maibé tanba difat iha ona akordu ida ho UNICEF atu apoiu orsamentu ho montante rihun UA$8,1 hodi sosa vasina AstraZeneca.

“Maibé, hanesan ohin ha'u dehan ne'e katak, ho apoiu ne'ebé mak iha ne'e, AstraZeneca bele ona kobre ba ita-nia ema adultu sira. Entaun, orsamentu ida ne'e ami propoin karik bele mós uza atubele sosa vasina Pfizer ne'ebé mak seidauk bele kobre ho Covax Facility ninian remesa ne'ebé mak mai. Orsamentu ida ne'e la'ós uza ba sosa vasina de'it, maibé sosa mós konsumiveis sira hanesan boxes, seringa”, informa nia.

Tuir dadus, labarik ho idade tinan 12 to'o 17 hamutuk ema na'in-rihun 150 mak sei simu vasina Pfizer ne'ebé governu prepara.

“Entaun, ita simu uluk, husi Covax Facility sei haruka uluk sein mill seis centus e vinte (100.620) mai ita, entaun ita administra uluk ba labarik ho númeru 40 to'o 50 atu nune'e, sira bele fó oportunidade ba doze segundu. Tanba ita seidauk iha serteza ba kompra ba, tanba 100 mill ita kobre de'it metade husi labarik sira ne'ebé mak tuir ita-nia estimasaun. Agora, restante ne'e ita tenke sosa e orsamentu ne'e ha'u hanoin ita sei la foti husi ita-nia orsamentu”, esplika nia. (*)

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 foun iha Timor-Leste hamutuk 16 no kazu ativu iha munisípiu Ermera 523.

Tempotimor (Dili)-Prezidente Autoridade Rejiaun Administrativa Espesial Oekussi Ambeno (RAEOA), Arsénio Paixão Bano, husu populasaun iha Oekussi atu labele pániku ho variante foun Corona-Delta (Covid-19 Delta).

Tempotimor (Dili)-Membru Komisaun Permanente Prlamentu Nasionál (PN) husi Bankada KHUNTO, deputadu António Verdial hakarak, governu buka maneira familiariza Covid-19 hodi reativa filafali atividade eskolar ba estudante sira iha rai laran.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 foun ne’ebé rejista iha loron 31 fulan-jullu tinan 2021, munisípiu Ermera hamutuk 114 no kazu ativu 474.

Tempotimor (Díli)-Governu liuhusi Konsellu Ministru Extraordináriu hodi deside aplika Komfinamentu Obrigatóriu (Lockdown) ba Munisípiu Ermera liliu postu administrativu Railako no Ermera durante semana rua.