“Númeru kazu pozitivu hahú aumenta maka’as iha munisípiu Ermera, iha loron 24 fulan-Jullu 2021 to’o ohin 3 Agostu munisípiu Ermera iha kazu ativu hamutuk 588 (54,2% husi totál kazu ativu nasional)”, dehan nia liuhusi komunikadu imprensa, tersa (03/08).

Husi kazu foun iha Ermera hamutuk 65, ne’ebé relata foun 30 (46,2%) mak sintomátiku ka hatudu sintomas.                       

Entretantu kazu detetatu foun ne’ebé relata iha loron 3 fulan-Agusto hamutuk 118 (iha Dili 13, Ermera 65, munisípiu seluk hamutuk 40), mane 73, feto 45 ho idade tinan 12 na'in-4, ho idade entre tinan 12-59 na'in-109 (92,3%) ho idade 60 na'in-5, 39 kazus ka 33,1% mak sintomátiku (hatudu sintomas).

Kazu rekuperadu 49, kazu ativu iha teritóriu Timor-Leste hamutuk 1.084 no totál kazu konfirmadu kumulativu iha 3 fulan-Agostu 2021 (sura husi 21 Marsu       2020) 11.100.         

Hahú iha loron 2 to’o 3 fulan-Agostu, hamutuk hotu Laboratóriu Nasionál Saúde (LNS) halo 698 testes PCR    iha Dili ho detalla hanesan vijilánsia      sentinela 1, rastreiu ba kontaktu    (contact tracing) 177, rastreiu aleatóriu  (random screening) 158, viajen sai husi serka sanitária      munisípiu dili 291, viajen internasionál 36 no follow up         iha kuarentena 35.   

Rezultadu testes PCR  ne’ebé halo iha loron 2 fulan -Agostu iha munisípiu sira seluk REAOA ho HNGV, hamutuk 389 ho detalla hanesan Baukau 59, Ermera 27, Maliana 70, Maubisse 44, RAEOA 38, Suai 56, Vikeké 55 no  HNGV 40. (*)