Items filtered by date: Saturday, 12 June 2021

Tempotimor (Dili)-Reitór Universidade da Paz (UNPAZ), Adolmando Amarál hatete, Premiadu  Novel ba paz, José Ramos Horta no Eis Ministru Prezidensia Konsellu Ministru Hermenegildo Augusto "Ágio" Cabral Pereira Alves, merese kandidata-an ba sai Prezidente Repúblika (PR) iha tinan 2022.

"Ita presiza figura Timoroan ida ne'ebé iha tempu badak bainhira nia bele asume kargu hanesan Prezidente Repúblika nia bele foti filafali Timor nia naran iha mundu, iha figura lubuk ida maun Horta ita labele dúvida, iha sorin seluk maun Agio Pereira ita labele dúvida, ne'e ita ko'alia para hadi’a imajen iha internasionál”, afirma nia.

Tanba, durante nasaun Timor-Leste nia imajen monu iha internasionál iha mandatu Prezidente Repúblika, Francisco Guterres ‘Lú Olo’.

"Maibé ha'u hanoin situasaun ida agora ne'e Timor nia imajen iha internasionál monu mak ita presiza figura prezidente ida ne'ebé bele hadi’a fali imajen iha mundu tanba iha mandatu ita-nia sua Exelensia señór Francisco Guterres ‘Lú Olo’ nia mandatu ne'e imajen Timor monu, monu, monu aat liu”, deklara Reitór UNPAZ iha Kampus Unpaz, sábadu (12/06).

Tanba ne’e, nia sujere iha Eleisaun prezidensial tinan 2022 bele hili, Premiadu  Novel ba paz, Ramos Horta  ka Eis Vise Primeiru Ministru ba delimitassem Fronteira, Hermenegildo Augusto "Ágio" Cabral Pereira Alves, bainhira kandidata-an ba sai prezidente Republika (PR) atu hamorin filafali naran Timor-Leste iha mundu.

Ho ida ne’e, povu mak tenke matenek iha situasaun hanesan ne'e atu afirma pozisaun, haree ba líder sira ne'ebé merese ho fuan boot hakarak servisu duni ba povu hodi hala’o dezenvolvimentu ba nasaun. (*)

 

Published in Politika

Tempotimor (Dili)-Primeiru Ministru (PM), Taur Matan Ruak, hamaus komunidade iha Postu administrativu Ataúro, atu simu vasina no ignora Informasaun sira ne’ebé espalla iha mídia sosiál fecebook.

"Iha tempu badak ha'u hatene Ataúro sei komesa programa vasinasaun. Entaun, ha'u husu ba ita-boot sira partisipa. Ita-boot sira labele rona fali ema ko’alia iha facebook, iha fatfatin, dehan moras laiha, vasina la di'ak, lalika fiar ida ne'e", deklara PM Taur iha inaugurasaun postu seguransa UPM, Akrema-Ataúro, sesta (11/06).

Tanba ne’e, husu ba populasaun sira iha Ataúro  atu fó fiar de'it ba autoridade médiku sira, koopera ho sira, tanba nasaun tomak ninia esforsu primeiru, mak salva ema nia vida atu ema labele mate.

"Karik mate, destinu, mais labele mate tanba ita baruk, lakohi atu tau matan. Entaun, salva vida, salva ita-nia ekonómia, normaliza ita-nia moris, ne'e importante loos. Ita kontente tanba dadaun ne'e, iha Dili, númeru komesa tun maka’as. Mais ita seidauk manán, nia (virus covid-19) sei iha, moras ne'e sei la'o hela”, hatete nia.

Entretantu, progresu kazu infetadu Covid19 iha Timor-Leste atu atinje rihun-8, ema mate besik na"in-19 ona, tanba ne'e governu buka esforsu atu nune'e moras imvizível Covid-19 labele atrapalla dezenvolvimentu ekonómiku.

"Entaun, dalan para ida ne'e bele akontese para impede ida ne'e, primeiru mak vasina”, afirma nia. (*)

Published in Politika

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK)  iha sábadu (12/06) rejistu kazu pozitivu Covid-19 foun 83 no kazu ativu 1580

"Kazu detetatu foun 83 (iha Dili 66, iha munisípiu seluk, 17) no totál kazu ativu 1580”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, sábadu (12/06).

Husi totál kazu detetadu foun Iha mane 49, feto 34 ho idade entre tinan 12-59 na'in-77 (92,7%), ho idade 60 na'in-6, proporsaun kazu sintomátiku hamutuk 8,4%, Kazu rekuperadu 119 no totál kazu konfirmadu kumulativu iha 12 fulan-juñu 2021 (sura husi 21 Marsu 2020), 8228.                     

Husi loron 11 to’o 12 fulan-juñu, hamutuk hotu Laboratóriu Nasionál Saúde halo 1334 testes PCR iha Dili, ho detalla hanesan, bijilánsia sentinela 56, rastreiu ba kontaktu (contact tracing) 104, rastreiu Aleatóriu (random screening) 237, viajen sai husi serka sanitária munisípiu Dili 851 no follow up iha kuarentena 86.      

Rezultadu testes PCR ne’ebé halo iha loron 11 fulan-juñu iha munisípiu sira seluk REAOA ho HNGV, hamutuk 468, ho detalle hanesan, Baukau 129, Ermera 26, Maliana 21, Maubisse 86, RAEOA 18, Suai 47, Vikeké 31 no HNGV 110. (*)

Published in Saude

Tempotimor (Ataúro)-Primeiru Ministru (PM), Taur Matan Ruak, agredese governu Austrália ne’ebé oferese Postu seguransa ba Polísia Nasionál Timor-Leste (PNTL) liliu Unidade Polísia Marítima iha Aldeia Akrema, Suku Bikeli, Postu Administrativu Ataúro, Munisípiu Dili.

Published in Politika
Saturday, 12 June 2021 17:25

Governu Tenke Kontrola Sasán Importasaun

Tempotimor (Dili)-Prezidente Tane Konsumidór, António Ramos da Silva, sujere ba Governu liuhusi autoridade no ajénsia sira atu kontrola sasán importasaun atu labele prezidika konsumidór sira.

Tanba ne’e, husu atu Autoridade de Inspeção e Fiscalização da Atividade Económica Sanitária e Alimentar, Instituto Público (AIFAESA, I.P.), Autoridade Portuáriu Timor-Leste (APORTIL), alfándega no instituisaun relevante sira servisu hamutuk hodi halo kontrolu.

"Ami prodúz sujere ba entidade estadu hanesan diresaun komérsiu nian, AIFAESA, estatístika, nomós agora ami mosu hanoin foun tenke ser entre komérsiu AIFAESA, Alfándega, Aportil sira, ita tenke servisu hamutuk tanba dalaruma la kontrola Importasaun sasán sira tama, nune'e prejudika liu ba konsumidór sira”, dehan Ramos iha FONGTIL, Kaikoli, sesta (11/06).

Durante ne’e, mosu ona espekulasuan iha traballadóre, operadór sira tanba ne'e Tane Konsumidór husu autoridade reguladór sira atu kontrolu.

Organizasaun ne'e kontinua husu ba Autoridade reguladó sira hanesan AIFAESA, Diresaun Komérsiu tenke halo kontrolu.

"Ami-nia sujestaun ba Governu mak ne'e ba oin konsumidór sira laiha kbi’it natoon atu sosa Governo fó liuhusi Sesta Bázika, nia solusaun mak tenke hasa'e produsaun lokál mais ida ne'e ami fó hanoin de'it”, dehan nia. (*)

 

Published in Ekonomia

Tempotimor (Dili)-Komunidade hamutuk ho Autoridade lokál iha Postu Administrativu Ataúro, Munisípiu Dili preparadu simu desizaun governu hodi muda estatutu Ataúro sai Munisípiu iha fulan-janeiru tinan 2022.

"Ami-nia sentimentu, ami prontu ona, ami kontente, tanba governu bele fó oportunidade ida ne'e mai ami atu estabelese Munisípiu espesial ba Ataúro”, dehan Xefe Suku Villa Maumeta, Filipe Ximenes ba www.tempotimor.com iha portu Ataúro, sesta (11/06).

Tanba povu prontu no preparadu simu desozaun, tanba haree ba rekursu umanu, sira mós dadaun ne'e hahú submete ona ba Munisípiu to'o nasionál.

"Ita-nia rekursu umanu sira, rekursu naturál nian, buat hothotu, ne'ebé mak ita prepara atu tama simu Munisípiu nian. Preparadu e sufisiente atu simu, hala'o, implementa Munisípiu espesial ba Ataúro", afirma nia.

Nune’e, Xefe Suku Beloi, Abrão da Costa Nunes hatete, sira prepara-an hela to'o bainhira governu atu transforma Ataúro ba Munisípiu espesial, maibé husu governu atu halo uluk identifikasaun ba área prioridade sira nomós halo sosializasaun.

"Ataúrooan prontu, tanba haree ba rekursu umanu, sufisiente. Maibé presiza sosializasaun importante, tanba iha ita-nia komunidade barak seidauk hatene saida mak atu estabelese Munisípiu”, dehan nia. (*)

 

Published in Politika

Tempotimor (Dili)-Primeiru Ministru (PM), Taur Matak Ruak, enkoraja komunidade sira iha Postu administrativu Ataúro, atu hahú ona prepara-an hodi simu mudansa estatutu ba Munisípiu.

“Ita-boot sira prepara-an didi'ak. Hatene, imi hakarak Ataúro atu sai saida, sai oinsá, la presiza mehi boot, mehi barak. Ita presiza hahú buat ki'ik ona. Bee laiha, ita tau matan uluk bee, eskola iha laiha, ita tau matan uluk bee, ahi laiha, haree buat kikoan kikoan", dehan PM Tau iha Ataúro, sesta (11/06).

Dala-barak ema iha mehi ne'ebé boot liu, maibé sukat ho kbi’it rasik la to'o, entaun hela de'it mehi no susar hakat ba oin.

"Entaun, husi buat ki'ik ona. Presiza unidade entre ita-boot sira, para que difine diresaun ida ba ita-boot sira-ninia rai pedasuk oan ne'e ita hotu nian. Mais tau matan, no buka reskursu para depois dezenvolve nia-an", hatete nia.

Maske nune'e, governu sentràl sei la haluha povu sira iha Postu administrativu Ataúro, maibé husu atu servisu maka'as, tanba muda estatutu ne'e hanesan buat todan.

"Ataúro ninia atividade bele aumenta nia volume nia intensidade, ita-boot sira-nia estatutu ne'e importante loos. Hanesan ita-boot sira hatene, kuandu hari'i Oekussi, ita-boot sira halo parte ba Oekussi, sai zona ekonómika espesial ida. Mais mudansa estatutu ida ne'e, hanesan estatutu ida fó tan todan ba imi", afirma Taur.

Tanba muda estatutu Postu administrativu Ataúro nia sai Munisípiu, hanesan família ida ema ida, bainhira nia oan mane ho sira hola malu, ba hari’i ketak nia uma kain ona, ne'e todan.

"Ita depende ita-nia inan aman, ahi mate, ama. Bee laiha, apa. Ne'ebé agora, husu ba ita-nia aan. Mais ne'e hatudu saida. Responsábilidade ita-boot sira, ba Atauro oan sira”, hateten nia.

Administradór Postu Administrativu Ataúro, Mateus Belo, sente orgullu ba polítika Governu liliu Ministériu Administrasaun Estatál (MAE) ne'ebé planeia ona iha tinan 2022 sei muda Ataúro ba Munisípiu.

Ataúrooan sente orgullu, sente onra, previléziu boot ida iha prosesu balu liliu estatutu Ataúro ne'ebé komplementa ba mandatu konstitusional iha konstituisaun RDTL iha artigu 5 no 71 ne'ebé define kona-ba Ataúro sei hetan estatutu espesial.

“Akompaña iha mídia oioin katak prosesu iha parlamentu nasional nia desizaun politika foti ona katak, Ataúro sei munisipiu espesial”, dehan Administradór Ataúro iha Salaun administrativu Postu Maumeta Villa.

Postu administrativu Ataúro ne’ebé preparadu sai Munisípiu dadaun ne’e iha Suku Bikeli, Maumeta Villa, Beloi no Makadadi. (*)

Published in Politika

Tempotimor (Dili)-Sekretária Estadu Protesaun Sivil (SEPS) fó apoiu rekuperasaun ba vítima hamutuk 48 ne’ebé afetadu ba dezastre naturál.

"Ohin hala'o programa rekuperasaun, liuhusi destribuisaun material konstrusaun no pagamentu cash ba ai no maun-de-obra, iha Ataúro”, hatete Sekretáriu Estadu Protesaun Sivil (SEPS), Joaquim Gusmăo dos Reis, Ataúro, sesta (11/06).

Ho apoiu material konstrusaun la'ós selu lakon no estragu ne'ebé akontese, maibé solidariedade governu nian atu ajuda no hakman todan, no susar família sira ne'ebé hetan husi dezastre.

Husi orsamenetu sira ne'e, fahe tuir nia kategória uma estragu totál no naton US$360 no estragu kamaan simu US$150 kada uma-kain, ne'ebé foti husi orsamentu cash iha tinan 2020 nian, ho valór hamutuk US$8,506:.

Reprezentante benefisiáriu husi Suku Bikeli, Alda Soares Baptista, agredese governu, tanba bele ajuda ona sira hodi hari'i filafali uma ne'ebé durante hetan estragu husi inundasaun.

"Ami hanesan komunidade, ami sente orgullu e haksolok, tanba governu bele fó apoiu ami, no ida ne'e sustenta ona, no ida bele ajuda ami”, dehan nia.

Vítima inundasaun iha Postu Administrativu Ataúro, suku Villa Maumeta (10), Makili (5), Beloi (12), Bikeli (16), no Suku Makadadi hamutuk ema na’in 5. (*)

 

Published in Ekonomia

Tempotimor (Dili)- Primeiru Ministru (PM), Taur Matan Ruak husu ba povu sira iha Aldeia Akrema, Suku Bikeli, Postu Administrativu Ataúro, atu utiliza postu seguransa Amrema sai hanesan solusaun ba problema.

Published in Politika

Tempotimor(Dili)-Ministru Asuntu Parlamentar no Komunikasaun Sosial (MAPKomS), Francisco Martins Jerónimo, realiza kampaña sensibilizasaun vasinasaun Covid-19 ba autoridade munisipál, líder komunitáriu no komunidade sira iha Munisípiu Manatutu.

Published in Politika
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter