Login to your account

Username *
Password *
Remember Me

Items filtered by date: Thursday, 21 January 2021

Tempotimor (Dili)- Bazeia ba relatóriu semanál ne'ebé relata husi Komandu Jerál Polísia Nasionál Timor-Leste (PNTL) hatudu katak, durante iha semana ida nia laran hahú husi loron 15 to'o 20 fulan janeiru tinan 2021 ne'e, númeru kazu boot liu kazu sira seluk ne'ebé akontese iha territóriu nasional, maka kazu violénsia doméstika.

Published in Politika

Tempotimor (Dili)- Prezidente Autoridade Rejiaun Administrativu Espesiál Oekusi Ambenu (RAEOA) konfia polítika oitavu governu nian no Eis Primeiru Ministru Mari Alkatiri lori Ró Haksolok mai Timor-Leste (TL) tanba oras ne'e iha prosesu negosiasaun.

Published in RAEOA

Tempotimor (Dili)- Iha kinta ohin (21/01) Sekretária Estadu Kooperativa (SEKoop), hahú realiza teste dahuluk ba nia funsionáriu sira hamutuk na'in lima-nulu-resin-haat (54), molok hetan rekoñesimentu sertifikasaun iha nível formadór nian husi Institutu Nasionál Dezenvolvimentu Maun-de-Obra (INDMO).

Published in Ekonomia

Tempotimor (Díli) - Relasiona ho enkontru semanál Primeiru Ministru, Taur Matan Ruak ho Prezidente Repúblika, Francisco Guterres Lú-Olo, ko'alia kona-bá esforsu, oinsá atu Timor-Leste hetan vasina, Taur hateten, bainhira hakarak moris entaun tenki simu vasina.

Xefe Governu ne'e hateten, Problema la'ós prontidaun atu simu vasina, maibé ema ne'ebé hakarak salva vida ou lakohi mate, iha obrigasaun no tenki prontu, hodi simu vasina kontra Covid-19

"Ha'u hakarak moris entaun ha'u tenki simu vasina, ne'ebé ema hotu ne'ebé hakarak moris ne'e vasina iha ne'e simu, ida ne'ebé mak lakoi, hakarak mate lalais ne'e, bele bá uluk", dehan Taur ba Jornalista sira, iha Palásiu Prezidensiál Bairu-Pite, Díli, kinta (21/1).

Xefe governu ne'e akresenta, Ministériu Saúde planea hela, iha tempu badak sira sei haree, iha posibilidade atu hahú uluk vasina ne'e, husi RAEOA nomos área ne'ebé besik fronteira

"Informasaun ne'ebé daudaun ne'e ha'u iha, planea para atu ba Oecusse pois mak neneik ba iha parte fronteira tenki halo nomos iha Díli laran", Taur informa.

 Taur husu sidadaun hotu tenki koopera, atu labele prejudika ema hotu, tanbá númeru kazu Covid-19 iha nasaun viziñu indonézia hanesan Atambua no Kupang kontinua aumenta, tanbá Governu mos propoin ona ba PR atu deklara tan estensaun Estadu Emerjénsia.

"Dalabarak ita hanoin hanesan ne'e, bosok maibé haree didiak ne'e besik los ita, iha Kupan iha Atambua aumenta makas, entaun se la koopera sei prejudika ita hotu. Ha'u hanoin tenki koopera, ita boot sira hatene, iha tempu agora ne'e, sei halo tan estensaun ba dala sanulu", Taur hateten.

Hafoin remata enkontru semanál, Xefe Ezekutivu ne'e informa katak Prezidente Repúblika mos apoia planu hirak ne'e no husu ba governu atu kontinua tau matan ba fronteira, taka fronteira no sensibiliza sidadaun sira, atu kumpri regras protokolu ne'ebé mak Ministériu Saúde (MS) no Organizasaun Mundiál de Saúde (OMS) fó, tanba Ministériu Saúde nia moto mak, "Saúde Iha Ita Nia Liman Rasik".(*)

Published in Politika

Tempotimor (Díli)- Xefe Bankada Kongresu Nasionál Rekonstrusaun Timorense (CNRT sigla iha portugés), Duarte Nunes, la konkorda totál ho desizaun parlamentu nasionál (PN) nian, ne'ebé planu atu uniformiza deputadu, hodi hatais farda ho kor ida de'it.

Published in Politika

Tempotimor (Díli)- Governu liu husi Ministériu Finansas halo akordu ho Rejiaun Administrativa Espesiál Oecusse Ambenu (RAEOA) hodi entrega orsamentu tokon $29 atu jere rasik.

Published in RAEOA

Tempotimor (Dili)-- Xefe Bankada CNRT, Deputadu Duarte Nunes husu, iha estensaun deklarasaun estadu emerjensia (EE) da-sanuluk (X) nian, governu tenke fó prioridade no reforsa ekonomia hotu nune'e roda ekonomia rai laran.

Published in Politika
Thursday, 21 January 2021 13:13

PM Taur Prontu Simu Vasina Primeiru

Tempotimor (Dili) - Relasiona ho enkontru semanál entre Primeiru Ministru ho Prezidente Repúblika ko'alia mós kona-ba esforsu hansa atu hetan vasina no Taur hateten, nia parte prontu atu sai ema ne'ebé dahuluk simu vasina.

Published in Saude

Tempotimor (Dili)-Relasiona ho vasinasaun covid-19 ne'ebé sei hala'o iha territóriu nasionál, Xefe Bankada CNRT, Deputadu Duarte Nunes prefere vasina uluk Prezidente Repúblika (PR) Francisco Guteres 'Lú Olo' hafoin vasina komunidade sira.

''Vasina ne'e sé mai karik, hau hanoin ezemplu ne'ebé ke nasaun bo'ot sira halo, Boot sira uluk tiha toooh,'' Deputadu ne'e ko'alia iha Parlamentu Nasionál, kinta (21/1).

Nia parte preokupa, ho kualidade vasinasaun ida-ne'e, tanba ai-moruk ida ne'e ninia kualidade balun la hanesan.

Xefe Bankada CNRT ne'e simu informasaun ida husi ema balun, vasinasaun ne'e kuaze nia kualidade ne'e, balun %95 , %90 ital, %80, %75.

Tanba ne'e nia husu karik atu vasina ema ida, tenke esplika ninia kualidade tanba ida ne'ebá ema balun nia saúde la hanesan, presiza governu esplika ba sira, katak ida ne'e efetivu bele kontra 100% ka la'e.

''Ha'u hetan husi ema ne'ebé ke ajuda fó informasaun, maibé la'ós ita atraves ho kolega sira mak fó informasaun, iha instituisaun ne'ebé kompetente atu esplika loloos katak, ida-ne'e nia kualidade hanesan ne'e mais laiha posibilidade atu ita hetan negativu ba covid oho ita, hanesan efeitu negativu mai ita, ne'e tenke esplika, ne'e para ema ba se nia liman ba sona, ne'e kan nia hatene aan,'' nia fó hanoin.

Maibé nia haktuir, bainhira vasina ne'e mai, entaun aplika uluk ba ukun na'in sira, tanba ita haree rasik ezemplu ona, iha indonezia nian ho nasaun sira seluk, ne'e ida númeru 1 mak simu uluk.

''Tanba ne'e mak hau dehan nia kualidade ne'e tenke esplika no ita hotu-hotu simu, signifika boot sira simu uluk, para sira iha kraik ne'e ba nonok la koalia, tanba ita hakarak moris, o lakohi mais o hetan bele kona fali ema seluk, entaun ok ita ba hotu,'' nia hatete.

Iha fatin hanesan deputadu bankada Partidu Demokratiku (PD) Adriano do Nascimento konkorda ho aimoruk vasinasun ne'ebe governu halo ba timor oan sira.

Tuir nia, ema lubun ida iha nasaun estranjeiru, agora hadau malu atu hetan vasinasaun ne'e, tanba atu prevene sira-nia isin labele afeta ba moras ida ne'e.

''Ha'u hanoin tenke halo vasinasaun, tanba ne'e iha nasaun lubun ida mós halo vaksin ne'e nu'udar dalan ida, no úniku atu prevene para moras ne'e labele tama iha ita nia isin, la'ós kura, ne'ebé ida ne'e mos hanesan prevensaun ida,''dehan nia.(*)

Published in Politika

Tempotimor (Iliomar)- Administradór Munisípiu Lautém, Domingos Sávio, husu ba komunidade iha munisípiu refere atu sulan fahi iha luhan.

Published in Lautem
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter