Estensaun EE X, CNRT Ezije Governu Reforsa Ekonomia

Xefe Bankada CNRT, Duarte Nunes ko'alia ba Jornalista sira iha Parlamentu Nasional, Kinta (21/1) Xefe Bankada CNRT, Duarte Nunes ko'alia ba Jornalista sira iha Parlamentu Nasional, Kinta (21/1) Foto Tempo Timor

Tempotimor (Dili)-- Xefe Bankada CNRT, Deputadu Duarte Nunes husu, iha estensaun deklarasaun estadu emerjensia (EE) da-sanuluk (X) nian, governu tenke fó prioridade no reforsa ekonomia hotu nune'e roda ekonomia rai laran.

Nia haktuir, estadu iha obrigasaun deklara estdu emerjénsia, ne'e tenke la'o. maibé povu sira iha karik hakarak servisu nafatin entaun governu presiza haree.

''EE ba dala sunulu, bele mais tuir ha'u, ekonomia tenke ser la'o, tanba ita haree, ita-nia povu labele moris, se ita fó ajuda sira no husik sira ba halo to'os ga ba halo negósiu ruma, estadu nia obrigasaun tenke halo metin tiha fronteira ne'e,'' dehan nia iha parlamentu nasional, kinta (21/1).

Nia husu para governu tenke prioridade no hatene ema ne'ebe tama mai husi fronteira, liu-liu ema ne'ebe pozitivu ba covid.

Nia husu aumenta polísia para haforsa, aranja tan joven sira para ba ajuda, mobiliza populasaun iha fronteira para ajuda, tenke hanesan ne'e para populasaun iha laran sente seguru, no sira bele fiar katak governu ne'e hatene.

Iha fatin hanesan, Deputadu Bankada partidu Demokrátiku (PD) Adriano do Nacimento deklara, Estadu emerjensia ba dala sanulu tenke estende, tanba lakohi covid-19 da'et hodi hamate timor oan sira.

''Ha'u pesoál, halo estensaun ne'e di'ak liután, tanba moras ne'e besik to'o Suai ona ne'e, iha fronteira besik suai nian ema mate naban-naban iha ne'ebá ita tenke halo duni hanesan ne'e,'' dehan nia.

Nia preokupa Kona-ba moras covid-19, tanba to'o agora matenek sira iha mundu ne'e, seidauk hetan nia aimoruk, no sira hetan de'it mak aimoruk vaksin, só para prevene de'it covid labele tama hodi estraga ema nia isin no laran.

''Laiha problema tanba moras ne'e iha Atambua ona ne'e, Atambua ne'ebé ema mate naban-naban no madre na'in-rua mós mate, agora ita hakarak lori mai tán, EE tente estende,'' dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks