Xefe Est6ado Maiór Jenerál FALINTIL Forsa Defeza de Timor Leste (F-FDTL), Majór Jenerál Lere Anan Timur husu atu halo revolusaun mental ba jerasaun hodi prepara sai lideransa maduru iha futuru.

Tempo Timor: Ministru Estadu ba Habitasaun Planeamentu no Administrasaun Lókal, Repúblika Irlanda, Damien English, hatete, Dublin sei halo kooperasaun ho Dili atu simu sidadaun Timor- oan sira uza passaporte Timor-Leste hodi ba servisu iha Irlanda.

“Ami sei kontinua halo kooperasaun ho Governu Timor-Leste atu hareE konaba asuntu ida ne’e para depois ita nia sidadaun Timor oan sira ne’ebé mak ba servisu iha Irlanda bele uza pasaporte Timor-Leste hodi servisu”, hatete Ministru Estadu ba Habitasaun Planeamentu no Administrasaun Lókal husi Repúblika Irlanda Damien English, ba Jornalista sira, hafoin hasoru malu ho Primeiru Ministru Taur Matan Ruak, Tersa (19/03), iha Palasiu Governu. 

Daudqun ne’e Timor oan barak mak serbisu iha Europa ho passaporte Português nian. Maibe atu fasilita timor oan sira ba serbisu iha Republika Irlanda Governante nee dehan vistu ba sidadaun Timor oan sira ne’ebé uza pasaporte Timor-Leste, iha departementu rua (2 ) mak trata asuntu vistu nian.

“Ami iha departamentu 2 iha ami nia Governu ne’ebé mak trata konaba asuntu ne’e, maske tratamentu ne’e defisil tebes”, dehan Damen English.

Ministru Estadu ba Habitasaun Planeamentu no Administrasaun Lókal husi Repúblika Irlanda , dehan nia sei informa ba nia Primeiru Ministru, atu ba hasoru malu ho sidadaun Timor-Leste ho nia familia ne’ebé dadaun ne’e servisu iha Republika Irlanda. 

“Ami mos fiar metin katak, Governu Timor-Leste bele haruka ninia reprezentante ofisial atu ba hala’o vizita iha ne’ebá ,wanhira hau fila ba iha Irlanda hau mós hato’o ida ne’e ba hau nia Primeiru Ministru no mos atu hasoru malu ho sidadaun Timor-Leste ho nia familia sira ne’ebé mak oras ne’e hala’o hela servisu iha Repúblika Irlanda”, dehan English.

Ministru Estadu ba Habitasaun Planeamentu no Administrasaun Lókal husi Repúblika Irlanda nee sente orgullu ,tamba ho Timor oan sira nia esforsu no nia servisu makas bele fo kontribuisaun pozitivu ba dezenvolvimentu iha Republika Irlanda.

“Los duni dadaun ne’e iha Mil Ital resin sidadaun Timor ne’ebé maka oras ne’e dadaun servisu iha Irlanda do Norte no mos Irlanda do Sul ,ami sente sorte tebes ,tamba ho Timor oan sira nia esforsu no mos nia servisu maka ami mos bele aseleira ami nia dezenvolvimentu país ninia”, hateten English.

Rekrutamentu forsa militar foun iha futuru sei minimuza ema estranjeiru nia-oan atu labele sai membru forsa armada.

Relasiona ho kompromisiu polítika ne’ebé governante sira promente iha tempu kampaña eleitoral mak arte marsiais sira hanesan IKS, PSHT no KORK husu governu atu altera lei arma baranka nú. 5/2017 kona-ba taka arte marsial tolu ne'e.

Arte marsiais tolu PSHT, IKS, no KORK ne’ebé taka ho rezolusaun no lei nú. 5/2017 kona-ba arma branka, atu reativa presiza lei ida ne’ebé rigorozu hodi bele kontrola.

Prezidente Repúblika, Francisco Guterres Lú Olo, konvida ofesialmente Xefe Estadu no Xefe Governu Repúblika Irlanda hodi partispa aniversáriu FALINTIL nian iha Agostu, tinan ne’e.

Ministru Estadu Abitasaun Urbanu Repúblika Irlanda, Damien Englesh ho Prezidente Repúblika, Francisco Guterres Lú Olo, diskute kooperasaun bilateral entre nasaun rua ne'e.

Timor-Leste no Repúblika Irlanda hahú diskute futuru kooperasaun kapasita rekursu umanu ba timoroan.

Relasiona ho inundasaun ne’ebé akontese iha kapitál Dili ne’ebé liga ba udan boot iha Domingu (17/3), madrugada, Prezidente Partidu CNRT, Xanana Gusmão, tuun diretamente hodi halo limpeza ba lixu sira ne’ebé halo intupudu ba bee dalan.

Reprezenta povu iha Uma Fukun Parlamentu Nasionál preokupa ba rezidensia Unidade Polisia Fronteira no Polisia Marítima ne’ebé nakonu ho bee, hodi difikulta ba servisu seguransa nian.