“Rekrutamentu ba militar katak kualker sidadaun iha direitu sai forsa armanda, maibé tenke tuir kriterius ne’ebé instituisaun instala. Ema estranjeiru maka labele, maibé kriteriu sira ne’ebé maka agora atu halo ne’e sei rigerozu oituan”, dehan Xefe Estadu Maiór FALINTIL Forsa Defeza Timor-Leste (F-FDTL), Majór Jenerál Lere Anan Timur, iha Palásiu Prezidensiál, Bairru-Pité, Kuarta (20/3).

Agora timoroan duni maibé la’os sidadaun Timor, inan-aman dala ruma sidadaun Indonézia, ne'e ita nia lei la admite, kriteriu tama forsa la admite tanba estranjeiru labele tama.

“Timor balun mós sai ona sidadaun Indonézia, dala ruma ita preokupa ho ita-nia maun-alin sira ne’ebé sai ona sidadaun Indonézia. Atu fila fali mai Timor ne’e komplikadu, balun mai Timor ne’e ita fasilita malu, sira komesa servisu iha fatin ne’ebé la pudia servisu ba”, tenik Lere.

Tuir informasaun ne’ebe espalla iha publiku dehan joven balun ne’ebe hakna’ar aan iha F-FDTL nia laran balun ninia aman eis milisia pro militar indonezia.

“Ha’u kuandu deteta hatete ba sira, imi-nia kareira to’o de’it ona iha ne’e, se o alferis no teneti koronel ne’e to’o de’it iha ne’e ona, ita timor tenke hanesan ne’e, tanba sira-nia regalias balun ita la admite”, tenik nia.