Iha tinan hira liubá Governu hasai rezolusaun númerub14/2016 suspende atividade arte marsiais depois hamosu tan lei arma branka númeru 5/2017 hodi taka total arte marsial tolu hanesan PSHT, IKS, no KORK.
"Ami mai troka hanoin ho Prezidente Repúblika hodi reativa fila-fali arte marsial inkluzivamente tolu ne’ebé maka taka”, dehan portavóz PSHT, Abilio Mesquita 'Mausoko', iha Palásiu Prezidensiál Bairru-Pité, Tersa (19/3).
Entretantu, eis-Prezidente IKS, Silvestre Xavier Sufa hateten, atu reativa arte-marsial tolu ne’ebé taka ne’e, presiza andamentu ba lei númeru 5/2017, inklui rezolusaun ne’ebé governu hasai, nune’e reativa karik la’o ho di’ak.