“Servisu barak ne'ebé CNE sei prepara mak rituál iha munisípiu hothotu asina paktu iha munisípiu Dili. Maibé planu ne'e sei hala'o iha munisípiu sira”, dehan Prezidente Komisaun Nasional Eleisaun (CNE), José Agostinho Belo, iha Sala Enkontru STAE, Kaikoli, kinta (17/02).

Nu'udar Timoroan, kultura ne'e hanesan identidade atu fó matak malirin ba sidadun hotu bainhira hala'o kampaña karik labele hetan susar ruma.

Kona-ba rituál no kultura ninian sei la halo iha Dili maibé iha Munisípiu maibé sei informa de'it informasaun ne'ebé di'ak no sei halo tuir kedas karik buat ruma lalos liliu parte Kultura nian.

Iha rituál kulturál ne'e, sei konvida mós kandidatu sira hodi diskute kona-ba lala'ok no prosesu tomak hodi asegura eleisaun prezidensiál ne'e bele la’o ho di'ak.

Enkuantu lei mós la’o hela no konjuga mós ho kultura nune'e bele prevene kampaña ne'e ho dignu no kampaña ho palavra ne'ebe di'ak.

Husu ba reprezentante kandidatu sira katak, agora dadaun iha afiliasaun no esteitmentu atu apoiu kandidatu A ka B ne'e bele hala'o maibé evita taka dalan.

Tempu kampaña ne'e, hahú iha loron 2 fulan-marsu, no agora bele konsentra iha fatin ida de'it kona-ba seguransa polísia mantein evita mak demostrasaun atu labele hamosu problema ruma. (*)