Login to your account

Username *
Password *
Remember Me

FRETILIN Seidauk Atribui Kartaun Militante, Alkatiri Hein Karta Husi Lere

Sekretáriu Jerál Partidu FRETILIN, Marí Bin Amude Alkatiri. Sekretáriu Jerál Partidu FRETILIN, Marí Bin Amude Alkatiri. Foto Suplay

Tempotimor (Dili)-Partidu Frente Revolusionáriu Timor-Leste no Independente (FRETILIN) to’o agora seidauk atribui kartaun militante ba Tenente Jenerál Reformadu Lere Anan Timur, tanba regra ba inkrisaun iha Komité Sentrál Fretilin (CCF) taka ona.

Tanba ne’e, Sekretáriu Jerál Partidu FRETILIN, Marí Bin Amude Alkatiri, hein hela karta formal husi Lere Anan Timur atubele loke inskrisaun ho tipu espesiál hodi bele produz kartaun militante refere.

“Tuir regra ami taka tiha ona inskrisaun, so ha'u sekretáriu jerál de'it mak bele loke filafali ba isu espesiál, ba ida ne'e ha'u-nia Jenerál Lere tenke hakerek uluk mai ha'u, la hakerek ha'u la bele loke, ha'u sekretáriu jerál servisu formal”, deklara Alkatiri hafoin partisipa iha Konferénsia Nasionál Organizasaun Mulher Popular Timor-FRETILIN iha salaun Katedral Bebora, sesta (11/01).

Nune’e, Alkatri hein to’o agora seidauk iha karta karta ofisiál husi Lere Anan Timur, atubele autoriza ekipa iha Komité Sentrál Fretilin (CCF) loke inkrisaun.

Iha loron 01 fulan-fevereiru 2021, tuku 6:00 oras timor-leste (otl) Eis Xefe Estadu-Maiór Jenerál Falintil-Forsa Defeza Timor-Leste, Tenente Jenerál Reformadu Lere Anan Timur, ho nia ekipa ba simu kartaun militante iha CCF, Komoro Dili, maibé la konsege tanba inkrisaun ba kartaun militante konsege taka.

 Haree ba situasaun ne’e, kandidatu Independente Prezidente Repúblika períodu 2022-2027, Lere Anan Timur, seidauk iha kartaun militante FRETILIN nian.

Maske Lere hanesan segundu jerasaun ne’ebé sai Membru CCF iha tinan 1981, liuhusi primeiru konferénsia Nasionál Maubai, iha rejiaun Vikeké, ne’ebé Lere Anan Timur eleitu sai membru Komité Sentrál FRETILIN no assume kargu hanesan Komisáriu Polítiku no responsável polítiku prinsipál Rejiaun Funu Sei Nafatin. (*)

Rate this item
(1 Vote)
Last modified on Friday, 11 February 2022 16:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter