Tanba ne’e, Líder Partidu CNRT husu atu kuadru partidu CNRT ho movimentu no grupu apoiu Xanana Gusmão atu serbisu maka'as hodi lori vitória ba José Ramos Horta primeira volta eleisaun Prezidensiál 

“Ne'e duni ho ita-boot sira-nia lisensa autoriza ha'u atu taka Konferénsia ida ne'e, iha ne'ebé ita hili, Doutor José Ramos Horta atu sai kandidatu ba eleisaun prezidensiál no ita mós kompromete-an atu servisu haka'as-an hodi manán eleisaun ne'e, iha kedas primeira volta”, dehan Xanana iha Konferénsia Nasionál CNRT iha salaun OKA, Osindu, domingu (23/01).

Ho ida ne'e apoiante sira tenke servisu maka'as hodi realiza mehi ne'ebé mak kuadru partidu CNRT deklara liuhusi Konferénsia Nasionál.

"Ita fiar-an la'o ba oin, ho Partidu ho movimentu sira hotu ho grupu sira ne'ebé apoiu avo To'os (Horta) sei lori to'os ba to'o iha palásiu, ohin konta sira ne'e loos duni, maibé ita ko'alia verdade ida ke ita nunka sente”, afirma nia.

Haree ba Palásiu Prezidensiál ida Aitarak Laran ne’ebé bolu naran Aitarak loloos, no iha Aitarak ida seluk ne'e, kompañeiru tenke hatudu vontade servisu hodi hasai desizaun ne'ebé di'ak ba rai doben Timór ida ne'e. (*)