Tanba ne’e, Virgílio Guterres ‘Lamukan’ ofisialmente despensa nia kna’ar husi Preszdente Konsellu Imprensa (KI) hodi entrega fali ba Membru Konsellu Imprensa, Konselleiru Expedito Dias Ximenes hodi assume kna’ar durante fulan tolu.

“Ha'u la'ós rezigna-an husi Prezidente, lei hatete dehan despensa, bahasa Indonézia dehan karik cuti, husi ninia kargu, ninia responsabilidade, e lei komunikasaun sosiál, estatutu konsellu imprensa durante cuti, bele indika ema ruma, liliu konselleiru atu kontinua”, dehan Virgílio ba Jornalista sira iha nia kna’ar fatin, Kintal Boot, tersa (24/01).

Dadaun ne'e Membru Konselleiru Expedito Loro Dias Ximenes mak assume fali kargu hanesan Prezidente Konsellu Imprensa Interinu.

"Ha'u indika señor Expedito mak sai interinamente nia hala'o kna’ar hanesan Prezidente Konsellu Imprensa internamente, hahú ohin (24/01) ba to'o iha loron 24/04”, esklarese nia.

Durante fulan tolu, Virigilio Guterres ‘Lamukan’ halo polítika iha li'ur hodi prepara nia-an kandidata-an ba eleisaun Prezidensiál.

Sai husi Konsellu Imprensa hodi ba vida Polítika nia parte mós sei ko'alia kona-ba kna’ar jornalista nian iha vida ne'ebá.

“Entaun ida ne'e la sikifika katak ha'u sei la ko'alia kona-ba konsellu imprensa liliu liberdade imprensa no liberdade espresaun, buat ne'ebé ha'u sei labele halo mak reprezenta hanesan baibain ha'u halo instituisaun hothotu, maibé hanesan sidadaun, durante ema ne'ebé halo advoksia ba liberdade, e justu ida ne'e mak sai riku ida ne'ebé iha ha'u-nia lala'ok politika”, afirma nia. (*)