Login to your account

Username *
Password *
Remember Me

Movimentu ADDD ‘Mehi’ Lori Horta ba PR no Xanana PM

Membru Junta Forsa Polítika-Aliadu Defende Direitu Demokrátika (JFP-ADDD) alias Xa-Ra (Xanana-Ramos), deklara apoiu ba Xanana no Ramos Horta iha salaun Katedral Bebora, sesta (14/01. Membru Junta Forsa Polítika-Aliadu Defende Direitu Demokrátika (JFP-ADDD) alias Xa-Ra (Xanana-Ramos), deklara apoiu ba Xanana no Ramos Horta iha salaun Katedral Bebora, sesta (14/01. Foto Tempo Timor

Tempotimor (Dili)-Movimentu Junta Forsa Polítika-Aliadu Defende Direitu Demokrátika (JFP-ADDD) deside fó apoiu vitoria determinante ho mehi lori Ramos Horta ba Prezidente Repúblika (PR) no Kay Rala Xanana ba Primeiru Ministru (PM) iha eleisaun Prezidensial tinan 2022 no eleisaun Parlamentar 2023.

"Ohin loron ami iha família boot no fileira boot hodi hamutuk Forsa Polítika Aleadu Defende Direitu Demokrátiku iha Timor-Leste deside deklara no konfirma katak, fó apoiu vitoria determinante no hakarak lori duni maun boot Kay Rala Xanana Gusmão no Dr. José Manuel Ramos Horta ba Palasiu Prezidensial Ai-tarak laran. maun boot Kay Rala Xanana Gusmão ba Palásiu Governu, iha eleisaun prezidensiál 2022 no eleisaun Parlamentár iha tinan 2023 ninian”, dehan Portavoz Vise Prezidente JFP-ADDD, Cornelio Barros iha salaun Katedral Bebora, sesta (14/01).

Junta forsa polítika aleadu defende direitu demokrátiku hari’i no nia konsiénsia halo tuir nu’udar sidadaun ne’ebé responsavél polítika, responsavél partidaria nune’e determinante atu kontinua tane aas valór ukun rasik-an no prinsípiu iha Estadu direitu demokrátiku.

"Junta forsa politika aleadu direitu demokratiku rekoñese katak, durante tinan 4 (haat) ita-nia povu enfreta dezafiu sira ne’ebé efeta husi ita-nia Estadu no servisu ofende konstitusionál sira no minimiza sidadaun públika ida ne’e", afirma nia.

Tanba iha tempu surtu covid-19, Estadu halo serka sanitária no konfinamentu obrigatóriu limite no halo perturbasaun ba sidadaun no situasaun ekonomia no hamete progresimentu vontade povu.

Nune'e Eis Presidente Repúblika, José Ramos Horta, agradese apoiu konfiansa ne'ebé la'ós ohin de'it, iha fulan hira liuba no tinan rua mai ona timoroan rihun ba rihun organiza nia movimentu no hanesan grupu seluk tan ne'ebé halo parte iha movimentu sira.

"Portantu ha'u halo mensajen, sira rasik halo komentáriu iha ha'u-nia Facebook e agradese ba konfiansa ida ne'e, ne'e ondra boot ida todan tebtbes, e ema ne'ebé politiuk hanoin duni, tenke sukat didi'ak, iha kbi’it iha vontade, iha motivasaun, iha matenek, iha esperiénsia para simu todan", dehan Horta.

 Maibé to’o agora seidauk iha desizaun atubele kandidata-an ba Prezidente Repúblika, tanba hein prezidente anunsia promulga lei kalendáriu eleitorál nian no marka data eleisaun.

"Portantu to'o agora ha'u seidauk halo desizaun ha'u atu kandidatu-an. Ha'u sempre prontu ba kualker todan, reponsabilidade, Governu, ke nasaun, ke prezidente, ke Estadu, ke povu presiza hakarak portantu la'ós de'it atu ba Prezidente mais konforme iha funsaun seluk tan”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter