Login to your account

Username *
Password *
Remember Me

Diálogu Aberta, PM Taur ‘Diskrimina’ Xefe Suku Balun iha Dili

Xefe Suku sira ne'ebe partisipa hela dialogu aberta Primeiru Ministru, Taur Matan Ruak iha Munisipiu Dili. Xefe Suku sira ne'ebe partisipa hela dialogu aberta Primeiru Ministru, Taur Matan Ruak iha Munisipiu Dili. Foto Tempo Timor

Tempotimor (Díli)-Primeiru Ministru (PM), Taur Matan Ruak, diskrimina xefe suku balun iha Munisípiu Dili, tanba diálogu aberta ne’ebé halo ho komunidade sira iha Sentru Konvensaun Dili, tanba Xefe Suku balun la hetan oportunidade hodi hato’o preokupasaun.

Xefe Suku Lahane Orientál, Trindade do Amaral Pinto Batista hatete, nia parte la konkorda bainhira komisaun organizadora la fó oportunidade ba xefe suku sira hodi husu pergunta ba Primeiru Ministru (PM), Taur Matan Ruak iha diálogu aberta ho komunidade iha Munisípiu Díli nian.

"Ha'u lori suku 36 iha Dili laran nia naran ami hato'o lamentasaun ba komisaun organizadora, tanba ohin loron ne'e, halo diálogu ne'ebé aberta, maibé fó limitasaun ba suku sira tanba nia preokupasaun la hanesan, tanba saída mak suku ida, ema ida de'it mak ko'alia, ida ne'e ba ami la simu”, dehan Trindade iha nia aprezentasaun ba PM, Taur iha Sentru Konvensaun Dili, Kaikoli, tersa (14/01).

Tanba ne'e, presiza fó oportunidade hotu ba suku sira ne'ebé mak la hato'o nia preokupasaun sira, labele reprezenta de'it xefe suku ida.

"Pelu menus Komisaun organizadora hato'o karta ba ami katak orsida diálogu aberta ne'e suku ida ida de'it mak hato'o, para ami konsentra hamutuk fó sai, ami-nia preokupasaun, agora ha'u mai ko'alia, ha’u ko'alia de'it mai nia preokupasaun ne'e ha'u la simu, tuir loloos labele halo hanesan ne'e komisaun tenke fó orientasaun ba ami hodi suku sira”, kestiona nia.

Haree ba problema suku sira ne'ebé mak hasoru iha terrenu suku ida-idak mai ho nia komunidade, inklui mós dezenvolvimentu iha suku bazeia ba prioridade komunidade sira-nian.

Bainhira aplika regra sira hanessn reprezentante xefe suku husi Postu ida-idak bele tau hamutuk preokupasaun komunidade nia hodi ida de'it hato'o ba Xefe Governu.

"Preokupasaun sira iha Postu Na'in Feto karik tau junta hamutuk, ideia hamutuk mai hato'o”, hatete nia.

Maibé agradese ba Primeiru Ministru tanba halo diálogu aberta ho komunidade hodi rona preokupasaun ne’ebé durante ne’e enfrenta. (*)

Rate this item
(0 votes)
Last modified on Friday, 14 January 2022 16:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter